ГандболымкIэ Урысыем ипервенствэ иедзыгъо хэлэжьэгъэ Адыгэ Республикэм икомандэ чемпион хъугъэ. Зыныбжь илъэс 14-м шIомыкIыгъэ пшъашъэхэр ары зэнэкъокъугъэхэр.

ТхьамэфитIум республикэ спорт еджапIэу С.М. Джэнчатэм ыцIэ зыхьырэм зыщызыгъасэхэрэр текIоныгъэм фэбэнагъэх, зэнэкъокъум къыкIэлъыкIорэ уцугъом хэлэжьэнхэу фитыныгъэ къыдахыгъ.
Тренер-кIэлэегъаджэу Валерий Гончар зипэщэ командэм ешIэ­гъуи 8 иIагъ ыкIи зыкIи къытекIуагъэхэп. Волгоград, Астрахань, Рос­тов-на-Дону, Ставрополь ыкIи Краснодар краим якомандэхэм къашIуихьыгъ. Типшъашъэхэм Къыблэ федеральнэ шъолъырым ипервенствэ апэрэ чIыпIэр къыщыдахыгъ. Джы Урысые зэнэкъокъум ифиналныкъо зыщаушэтыщт. Финалыр къихьащт илъэ­сым, жъоныгъуакIэм Мыекъуапэ щыкIощт.