ТичIыпIэгъу лъапIэхэр!

Урысые Федерацием и Конституцие и Мафэ фэшI тышъуфэгушIо!
Конституцием лъапсэ фэхъугъэ шапхъэхэм — цIыфым ифитыныгъэхэмрэ ишъхьафитыныгъэрэ шъхьэ­кIафэ афэшIыгъэным, цIыф лъэпкъ зэфэшъхьафхэм къахэкIыгъэхэм ыкIи дин зэмылIэужыгъохэр зылэ­жьыхэрэм зэгурыIоныгъэ азыфагу илъыным — амал къаты правовой ыкIи социальнэ къэралыгъоу щыт Урысыем хэхъоныгъэ ышIынымкIэ, цIыфымрэ ащ ифитыныгъэхэмрэ апшъэрэ байныгъэу лъытэгъэн­хэмкIэ.
Закон ШъхьаIэм Урысыем иопытрэ игъэхъагъэхэмрэ къыриIотыкIыхэзэ, амал къеты тигухэлъ шъхьаIэ — къэралыгъо зэтегъэпсыхьэгъэ лъэшыр гъэпсыгъэным — тыфэкIонымкIэ.
КъыткIэхъухьэхэрэм яфэшъошэ щыIакIэ яIэнымкIэ, тимурадхэр къыддэхъунхэмкIэ Конституцием ылъа­псэхэр амалышIу зэрэхъущтхэм тицыхьэ телъ.
ТичIыпIэгъу лъапIэхэр, тыгу къыддеIэу зэкIэми тышъуфэлъаIо псауныгъэ пытэ, щыIэкIэшIу шъуиIэнэу, Адыгэ Республикэмрэ ти Хэгъэгушхоу Урысые Федерациемрэ яфедэ зыхэлъ Iофэу жъугъэцакIэрэм гъэхъэгъакIэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр