БаскетболымкIэ Урысыем ичемпионат иапшъэрэ лигэ хэт «Динамо-МГТУ-м» мы ма­фэхэм Мыекъуапэ щыриIэгъэ ешIэгъуитIур шIуахьыгъ. Республикэм икъэлэ шъхьаIэ къе­блэ­гъагъ Уфа икомандэ.

ХьакIэхэм зэIукIэгъу 12-у яIагъэм щыщэу 9-р къахьыгъ. Мые­къуапэ икомандэ зы текIоныгъэкIэ нахь мэкIагъ. Арышъ, ешIэгъуитIум текIоныгъэр къыщыдэзыхырэм очко нахьыбэ ригъэкъун ыкIи чIыпIэу зыдэщытыр зэблихъун ылъэкIыщтыгъ.
Апэрэ зэIукIэгъур 53:58-у ­аухыгъ. Тибас­кетболистэу Константин Клементьевыр дэгъоу ешIагъ, очко 14 ригъэкъугъ. ЯтIо­нэрэ ешIэгъуми хьакIэхэр нахь щылъэшыгъэх, пчъагъэр 51:86-у текIоныгъэр къыдахыгъ.

Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «Динамо» (Уфа) — 25.
2. «Русичи» (Курск) — 23.
3. «Нефтехимик» (Тобольск) — 26.
4. «ЦСП-Химки» (Московскэ хэкур) — 22.
5. «Динамо-МГТУ» (Мыекъуапэ) — 22.
6. «Десна» (Брянск) — 21.
7. «Чебоксарские ястребы» (Чебоксары) — 21.
8. «Южный слон» (Ставрополь) — 20.
9. «Металлург-Челбаскет» (Челябинскэ хэкур) — 19.
10. «ТСК-Урал-УрГУПС» (Екатеренбург) — 17.
    КъыкIэлъыкIощт ешIэгъухэр «Динамо-МГТУ-м» Мыекъуапэ щыриIэщтых, тыгъэгъазэм и 13 — 14-м «Металлург-Челбаскет» тихьакIэщт.