КаратэмкIэ Урысые зэнэкъокъухэр Мыекъуапэ щыкIуагъэх. Адыгеим испортсменхэм ухьазырыныгъэ дэгъу къагъэлъэгъуагъ ыкIи медаль 57-рэ къахьыгъ.

Урысыем ишъолъыр 24-мэ къарыкIыгъэ спортсмен 750-м ехъу республикэм икъэлэ шъхьаIэ къыщызэрэугъоигъэх. Ахэм ахэтыгъэх Москва, Санкт-Петербург, Московскэ, Ленинградскэ, Владимирскэ, Тульскэ хэкухэр, Урысыем и Къыблэ къэзыгъэлъагъо­хэрэр.
Адыгеим икомандэ нэбгырэ 75-рэ хэтыгъ – Мыекъуапэ, Адыгэкъалэ, Джэджэ, Кощхьэблэ, Тэхъутэмыкъое ыкIи Теуцожь районхэм ялIыкIохэр.

Турнирым хэлажьэхэрэр унэе ыкIи команднэ медальхэм афэбэнагъэх. Республикэм икаратистхэм текIоныгъэ 20, ятIонэрэ чIыпIэ 21-рэ ыкIи ящэнэрэ чIыпIэ 16 къыдахыгъ. Команднэ зэнэкъо­къухэм Адыгеим илIыкIохэр анахь щылъэшыгъэх.