ФутболымкIэ Адыгэ Республикэм икIымэфэ чемпионат непэ рагъажьэ. Апэрэ мафэм зэнэкъокъущтых зыныбжь илъэс 40-м ехъугъэхэр зыхэт ветеран командэхэр. Турнирым хэлэжьэнхэу команди 6-мэ зарагъэтхыгъ.

Апэрэ турыр къызэIуахыщт блэкIыгъэ кIымэфэ чемпионатхэм текIоныгъэхэр къащыдэзыхыгъэ командэхэу «ВНГ» ыкIи «Дорожник» зыфиIохэрэм. ЗэIукIэгъур пчэдыжьым сыхьатыр 10-м рагъэжьэщт. Ащ ыуж «Делотехникэр» «Штурмым» дешIэщт, «Джокерыр» «Щагъдый» IукIэщт.
Апэрэ ыкIи апшъэрэ лигэхэм ахэт командэхэм яешIэгъухэр тыгъэгъазэм и 7 – 8-м аублэщ­тых.