Олимпийскэ чемпионэу В.М. Невзоровым ишIухьафтынхэр зэрылъ зэнэкъокъухэр къалэу Зеленоград иордэунэу «Рекордым» щыкIуагъэх. Урысыем ишъолъыр 38-мэ къарыкIыгъэ спортсмен 668-мэ заушэтыгъ.

Олимпийскэ резервым испорт еджапIэу Кобл Якъубэ ыцIэ зыхьырэм зыщызыгъэсэрэ дзюдоисти 10-мэ Адыгеир къагъэлъэ­гъуагъ. Турнирым спортсменыбэ хэлэжьагъ нахь мышIэми, респуб­ликэм илIыкIохэм ащыщхэм гъэ­хъэгъэшIухэр ашIыгъэх, тагъэгушIуагъ, медалитIу къахьыгъ.
Адыгэ Республикэм изаслуженнэ тренерэу Бастэ Салим ыгъа­сэхэрэр ары къахэщыгъэхэр. Килограмм 81-м нэс къэзыщэчыхэрэм якуп хэтыгъэ ЛIыбзыу Заур тыжьын медаль къыфагъэшъошагъ. Ащ финалым къыщытекIуагъ Ростов хэкум испорт­сменэу Александр Пупковыр. Джащ фэдэу ящэнэрэ чIыпIэр къыдихыгъ Хьаджэкъо Чиназ. Турнирым хэлэжьагъэх зыныбжь илъэс 18-м шIомыкIыгъэ кIалэхэр ыкIи пшъашъэхэр.