Полицием иполковникэу Даур Къэплъан Росгвардием Адыгэ РеспубликэмкIэ и Гъэ­IорышIапIэ ипащэу агъэ­нэфагъ.

Росгвардием и Къыблэ кой икоман­дующэ игуадзэу, полицием игенерал-майорэу Дмитрий Микитчук офицерыр Мыекъуапэ нэIуасэ щафишIыгъ. Даур Къэплъан IэнэтIакIэм гъэхъагъэхэр щишIынхэу Дмитрий Микитчук фэлъэIуагъ, ар япащэу Росгвардием иреспубликэ гъэIорышIапIэ Iутхэм гъэхъагъэ хэлъэу япшъэрылъхэр агъэцэкIэнхэу зэрэгугъэрэр къыIуагъ.
Даур Къэплъан Маек ыкъор 1966-рэ илъэсым шышъхьэIум и 18-м къуаджэу Хьакурынэхьаблэ къыщы­хъугъ. 1998-рэ илъэсым Ростов дэт юридическэ институтыр, 2003-рэ илъэсым — Урысыем хэгъэгу кIоцI IофхэмкIэ и Министерствэ гъэIоры­шIэн IофхэмкIэ и Академие къыу­хыгъэх. Экономикэ шIэныгъэхэмкIэ кандидат, къулыкъу, къэралыгъо тын заулэ, медалэу «За отличие в охране общественнэго порядка» зыфиIорэр къыфагъэшъошагъэх. Зэо-­зэпэуцужьхэм ахэлэжьагъ.