ХэушъхьафыкIыгъэ дзэ операцием хэлажьэхэрэм апае Мые­къопэ къэралыгъо университетым иIофышIэхэм мы аужырэ тхьамэфитIум сомэ мин 500-м ехъу аугъоигъ. Ащ ишIуагъэкIэ тидзэкIолIхэм ящыкIэгъэщт Iэмэ-псымэ зэфэшъхьафхэр афа­щэфыгъэх.

— Мыекъопэ къэралыгъо технологическэ университетыр дзэкIолIхэм IэпыIэгъу зэрафэхъущтым сыдигъокIи пылъ. Фронтым ищыкIэгъэщт Iэмэ-псымэхэр къытфащэх, ащ ишIуагъэ къэкIонэу, те­кIоныгъэр нахь благъэ хъу­нэу тэгугъэ. Ренэу яшIуагъэ къы­зэрэтагъэкIырэм фэшI апшъэрэ еджапIэм иректорэу Къуижъ Саидэ ыкIи ащ иIофышIэхэм лъэшэу тафэраз. Джащ фэдэу къыхэз­-
гъэ­щымэ сшIоигъу апшъэрэ еджапIэм къыщызэIуахыгъэ Дзэ егъэджэн гупчэм ныбжьыкIэхэмкIэ ыкIи общест­вэмкIэ мэхьанэшхо зэриIэр. Ащ студентхэм яхэгъэгу шIу алъэгъоу пIугъэнхэмкIэ, пшъэ­дэкIыжьэу яIэр нахь къагурыIонымкIэ ишIуагъэ къэкIощт, — къыIуагъ хэу­шъхьафыкIыгъэ дзэ опе­рацием хэлэжьэрэ отде­лением икомандир.
Мыекъопэ къэралыгъо тех­нологическэ университетым дзэ операцием хэла­жьэхэрэм ыкIи ахэм ябын-­унагъохэм IэпыIэгъу афэхъу­гъэнымкIэ Iофтхьэбзэ зэ­фэшъхьафхэр щызэхащэх. Апшъэрэ еджапIэм Iоф щызышIэхэрэм гуманитар Iэпы­Iэгъу ренэу аугъои, дзэкIолI­хэм афагъэхьы. Дзэ операциер заублагъэм къыщегъэ­жьагъэу непэрэ мафэм нэс сомэ миллиони 2,5-рэ ­аугъоигъ ыкIи ящыкIэгъэ Iэ­мэ-­псымэхэр арагъэщагъэх.
Мыекъопэ къэралыгъо технологическэ университетыр.