ФутболымкIэ Урысыем изэнэкъокъу иятIонэрэ лигэ хэт «Зэкъошныгъэм» зичэзыу ешIэгъоу Мыекъуапэ щыриIагъэр къыхьыгъ. 2024-рэ илъэсымкIэ мыр аужырэ зэIукIэгъугъ.

«Зэкъошныгъ» — «Динамо-2» — 3:1 (2:0).
Къэлапчъэм Iэгуаор дэзы­дзагъэхэр: А. Малкандуевыр, Г. Абдуллаевыр, М. Абдуллабековыр, А. Делэкъор.
«Зэкъошныгъэм» щешIагъэх: Т. Хачировыр, У. Магомедбековыр (А. Делэкъор), Д. Савиных, И. Оразаевыр, М. Ягьяевыр, И. Абдуллаевыр, К. Юшко (М. Къэбжьыр), Ш. Гайдаровыр, А. Малкандуевыр (З. Коблыр), Д. Антоненкэр (Н. Сергеевыр), Г. Абдуллаевыр (А. Хьасанэкъор).
Тренер шъхьаIэр: С. Мирошниченкэр.
«Динамо-2-м» хэтыгъэх:
З. Зайнудиновыр, А. Джабраиловыр, А. Бабахановыр, И. Ахмедовыр, М. Юсуповыр (А. Курабековыр), И. Магомедовыр (И. Умахановыр), И. Яхьяевыр, Х. Ханмагомедовыр, К. Зайнановыр, М. Абдуллабековыр, Д. Алиевыр.
Тренер шъхьаIэр: А. Кашуба.
Гаджимурад Абдуллаевыр къэ­гъэлъэгъонышIу иIэу мы зэIукIэгъум къекIолIагъ. ЫпэкIэ ар Дагъыстан икомандэу «Легионым» хэтыгъ, «Зэкъошныгъэм» къызырагъэблэгъагъэм щегъэжьагъэу ешIэгъу 12-мэ ахэлэжьагъ ыкIи зэкIэлъыкIоу, Iоныгъом и 14-м щегъэжьагъэу шэкIогъум и 16-м нэс, къэлапчъэм Iэгоуи 10 ди­дзагъ. Мызыгъэгуми ар ­къахэщыгъ, апэрэ таймыр аухынкIэ охътэ тIэкIу къэнагъэу къэлапчъэм Iэгуаор дидзагъ, пчъагъэр 2:0 ышIыгъ. ХьакIэхэр ащ къезэгъыгъэхэп ыкIи я 77-рэ такъикъым пчъагъэр 2:1 хъугъэ. Ау «Зэкъо­шныгъэм» икапитанэу Делэкъо Аскэр Iэгуаор дидзи, 3:1-у тикомандэ текIоныгъэр къыдихыгъ.
— Футболистхэм ясIуагъэр зэкIэ агъэцэкIагъ, Iэгуаор аIыгъыгъ, ыпэкIэ илъыщтыгъэх, арышъ, сафэраз. ЗэIукIэгъум еплъыгъэ ыкIи къытфэгумэкIыгъэ пстэуми тафэраз. Джыри IофшIэнышхо дгъэцэкIэнэу къытпыщылъ, — къыIуагъ «Зэкъо­шныгъэм» итренер шъхьаIэу Сергей Мирошниченкэм.
Я 34-рэ турым изэфэхьысыжьхэр:
«Ангушт» — «Форте» — 0:1, «Зэкъошныгъ» — «Динамо-2» — 3:1, «Нарт» — «Ростов-2» — 1:0, «Легион» — «Астрахань» — 0:0, «Спартак-Налщык» — «Кубань Холдинг» — 1:3, «Биолог-Новокубанск» — «Динамо Ставрополь» — 1:4, «Строитель» — «Алания-2» — 6:2, «Севастополь» — «Победа» — 2:0.
«Зэкъошныгъэм» очко 42-рэ ригъэкъугъ ыкIи я 10-рэ хъугъэ. Первенствэм текIоныгъэр къыщыдэзыхыгъэр Таганрог икомандэу «Форте», ятIонэрэ ыкIи ящэнэрэ чIыпIэхэр аубытыгъэх «Рубин Ялта» ыкIи «Динамо Ставрополь».
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Форте» — 71.
2. «Рубин Ялта» — 64.
3. «Динамо Ставрополь» — 63.
4. «Легион» — 60.
5. «Ростов-2» — 60.
6. «Севастополь» — 58.
7. «Строитель» — 48.
8. «Астрахань» — 47.
9. «Нарт» — 44.
10. «Зэкъошныгъ» — 42.
11. «Ангушт» — 38.
12. «Кубань Холдинг» — 37.
13. «Спартак-Налщык» — 37.
14. «Биолог-Новокубанск» — 30.
15. «Победа» — 30.
16. «Алания-2» — 17.
17. «Динамо-2» — 14.