ГандболымкIэ Урысыем ­и Суперлигэ хэт «АГУ-Адыифым» Мыекъуапэ щы­риIэгъэ зэIукIэгъур шIуа­хьыгъ нахь мышIэми, ­командэм ешIэкIэ дахэ къы­гъэлъэгъуагъ. Респуб­ли­кэм икъэлэ шъхьаIэ ихьэ­­кIагъ «Астраханочкэр».

«АГУ-Адыиф» — «Астраханочка» — 26:29 (11:13).
«АГУ-Адыифым» хэтыгъэх: къэлэпчъэIутхэр — Гобадзе, Баскаковар. Суздальцевар — 4, Коваленкэр — 4, Коблыр — 4, Къэбжьыр — 3, Болоба — 3, Бондаренкэр — 3, Селиверстовар — 2, Краснокутскаяр — 1, Гогия — 1, Тишинар — 1.
«Астраханочкэм» щешIагъэх: къэлэпчъэIутхэр — Прокопьевар, Дегтяревар. Ковшиковар — 6, Сисеновар — 6, Шарковар — 4, Ганичевар — 4, Сивуха — 3, Кирилловар — 2, Юрьевар — 2, Климанцевар — 1, Шинкарук — 1.
ЕшIэгъум иятIонэрэ такъикъым пчъагъэр къызэIуихыгъ «Астраханочкэм» щешIэрэ Полина Шарковам. ТIэкIу тешIагъэу Мые­къуапэ игандболисткэу Елизавета Суздальцевам къэлапчъэм Iэгуаор дидзагъ. Апэрэ таймым икIэух хьакIэхэр IэгоуищкIэ тапэ итыгъэх, ау Виктория Коваленкэм къэлапчъэм Iэгуаор дидзагъ ыкIи пчъагъэр 11:13-у зэIукIэ­гъум иапэрэ едзыгъо аухыгъ.
ЯтIонэрэ таймым ипэублэ хьакIэхэр нахь дэгъоу ешIагъэх, Iэгоуи 6-кIэ тикомандэ ыпэ ишъы­гъэх. Я 47-рэ такъикъым Наталья Дерепаскэр зипэщэ тикомандэ иешIакIэ нахь къыгъотыгъ, такъи­къи 5-м къыкIоцI ти­пшъашъэхэм Iэгоуи 4 дадзагъ, пчъагъэр 23:24-рэ хъугъэ. Ау нэужым «Астраханочкэр» нахь лъэшыгъ, ащ иешIа­кIохэм зэлъыпытэу Iэгоо заулэ тикъэлапчъэ къыдадзагъ, пчъа­гъэр 26:29-у зэ­IукIэгъур аухыгъ.
Я 12-рэ турым изэфэхьысыжьхэр:
««АГУ-Адыиф» — «Астраханочка» — 26:29, «Университет» — «Ростов-Дон» — 19:39, «Кубань» — «ЦСКА» — 30:35, «Лада» — «Динамо-Синара» — 33:31, «Звезда» — «Черноморочка» — 29:36.
Командэхэр зыдэщыт чIыпIэхэр ыкIи очко
пчъагъэу рагъэкъугъэр:

1. «Ростов-Дон» — 24.
2. «Астраханочка» — 20.
3. «Черноморочка» — 20.
4. «ЦСКА» — 18.
5. «Лада» — 13.
6. «Кубань» — 11.
7. «Динамо-Синара» — 9.
8. «Звезда» — 7.
9. «Луч» — 6.
10. «АГУ-Адыиф» — 2.
11. «Университет» — 0.
    КъыкIэлъыкIощт зэIукIэгъур «АГУ-Адыифым» Мыекъуапэ ­щыриIэщт, тыгъэгъазэм и 10-м командэу «Динамо-Синара» ти­хьакIэщт.