СатыумкIэ IэпыIэгъух
Мы илъэсым имэзи 9-у пыкIыгъэм гупчэу «Мой бизнес» зыфиIорэм ишIуагъэкIэ нэбгырэ мини 2,5-рэ фэдизмэ IэпыIэгъу агъотыгъ.
Нахь зэхэфыгъэу къэпIон хъумэ, нэбгырэ 2300-рэ ар зылъыIэсыгъэр – 1300-р физическэ лъапсэкIэ Iоф зышIэрэх, 198-р ежь-ежьырэу IофшIэн къызфэзыгъотыжьыгъэх, 750-р – предпринимателых.
«Мой бизнес» зыфиIорэ гупчэхэм «зы шъхьаныгъупчъэкIэ» Iоф ашIэ: ежь-ежьырэу IофшIэн къызфэзыгъотыжьыхэрэмрэ предпринимательхэмрэ мыхэр упчIэжьэгъу афэхъунхэ, зыщагъэсэн, мылъку, инжиниринг ыкIи финанс IэпыIэгъу зы чIыпIэм щафэхъунхэ алъэкIыщт.
Зы фэIо-фашIэкIэ зафагъэзагъэмэ, мыщ къекIуалIэхэрэм шIэныгъэ тедзэхэр щагъотынхэ алъэкIыщт ыкIи ащ хахъо аригъэшIышъущт. Ащ нэмыкIэу «Мой бизнесым» бэрэ егъэджэнхэр зэхещэх. ГущыIэм пае, непэ мафэм сыхьатыр 3-м къыщыублагъэу 5-м нэс ежь-ежьырэу IофшIэн Адыгеим къызщыфэзыгъотыжьыхэрэм апае егъэджэнхэр щыкIощтых.
Гупчэхэу «Мой бизнес» зыфиIохэрэр къэралыгъом ишъолъыр 88-мэ ащэлажьэх, УФ-м и Президент кIэщакIо зыфэхъугъэ лъэпкъ проектэу «Предпринимательствэ цIыкIумрэ гурытымрэ» зыфиIорэм ахэр къыдыхэлъытагъэх.