Урысыем и Следственнэ комитет иследственнэ гъэIорышIапIэу Адыгэ Республикэм щыIэм и Тэхъутэмы­къое район къутамэ уголовнэ Iофэу къызэIуихыгъэр зыфэгъэхьыгъэр пщыныжь зыщарагъэхьырэ учреждением къэгъэгъунэн IофхэмкIэ иотдел имладшэ инспектор къолъхьитIу къы­зэраIихыгъэр ары. (УФ-м и Уголовнэ кодекс ия 291.2-рэ статья иа 1-рэ Iахь).

ЗэрагъэунэфыгъэмкIэ, зиIоф аIуагъэу агъэтIысыгъэм 2024-рэ илъэсым Iоныгъом гъомылапхъэу ыкIи телефонэу къыфахьыгъэхэр зэрэритыжьыщтхэм пае гъогогъуитIо ахъщэ къаIихыгъ.
Урысыем и ФСБ и ГъэIорышIапIэу Адыгэ Республикэм щыIэм иIофы­шIэхэмрэ Урысыем и ФСИН и ГъэIорышIапIэу Адыгэ Республикэм щыIэм щынэгъончъэнымкIэ икъутамэрэ зэдызэшIуахыгъэ уплъэкIунхэм яшIуагъэкIэ учреждением иIофышIэ хэбзэнчъэу зэрэзекIуагъэр агъэунэфыгъ.
ПсэупIэу зыдэсым дэмыкIынэу ащ къыфагъэпытагъ. Следовательхэм Iэубы­тыпIэхэм яугъоин Iоф дашIэ, джащ фэдэу уголовнэ Iоф къыфызэIухыгъэнымкIэ мэхьанэ зиIэ лъэныкъохэр агъэунэфых.
Уголовнэ Iофым изэхэфын лъэкIуатэ.
Урысыем и ФСБ АР-мкIэ
и ГъэIорышIапIэ ипресс-къулыкъу