ЦIыкIу Аскэр тигъэгушIуагъ
СамбэмкIэ Урысыем ипервенствэ Нижегородскэ хэкум икъалэу Кстово щыкIуагъ.
Илъэс 12 — 14 зыныбжь пшъашъэхэр ыкIи кIалэхэр зэнэкъокъугъэх. Урысыем ишъолъыр зэфэшъхьафхэм яспортсмен 900-м ехъумэ заушэтыгъ.
Олимпийскэ резервым испорт еджапIэ къэзыгъэлъэгъогъэ ЦIыкIу Аскэр (зыгъасэрэр А. Хьабэхъу) килограмм 71-рэ къэзыщэчыхэрэм якуп щыбэнагъ ыкIи тыжьын медаль къыхьыгъ.
Тиспортсмен ыкIи ащ итренер тафэгушIо, тапэкIи гъэхъэгъэшIухэр ашIынхэу афэтэIо.