Фестивалэу «Лъэпкъхэм языкIыныгъ» зыфиIорэр республикэ ипподромым щыкIуагъ. Ащ кIэщакIо фэхъугъ общественнэ организациеу «Шыу Хасэр».

Iофтхьабзэр шы парадкIэ рагъэжьагъ. Нэужым шIуфэс гущыIэхэмкIэ къэзэрэугъоигъэхэм закъыфагъэзагъ ермэлхэм я Со­юз, къэндзал обществэу «Дуслыкым» яшъолъыр къутамэхэм, Мыекъопэ къэзэкъ отделым япащэхэу Оник Нигоевым, Алим Ильясовым ыкIи Сергей Захаровым. Лъэпкъ зыкIыныгъэр гъэпытэгъэным мэхьанэшхо зэриIэр ахэм хагъэунэфыкIыгъ.
Шыу обществэм итхьаматэу Тхьапшъэкъо Альберт къызэрэхигъэщыгъэмкIэ, проектэу «Боевое братство во славу Отечества» зыфиIорэм игъэцэкIэн къыдыхэлъытэгъэ зэфэхьысыжь Iофтхьабзэу фестивалыр хъугъэ.
Адыгеим щыпсэурэ лъэпкъхэм агъэфедэрэ джэгукIэ зэфэшъхьаф­хэм ащ ялIыкIохэр къатегущыIагъэх, ахэм мэхьанэу яIэр къыра­IотыкIыгъ.
Республикэм итворческэ куп­хэм фестивалыр къагъэбаигъ, ахэм къатыгъэ концертым къэзэ­рэугъоигъэхэр ягуапэу еплъыгъэх.