Къалэу Челябинскэ щыкIогъэ Iофтхьабзэм Адыгеим икIы­гъэ ансамблэу «Мыекъуапэ инэфылъэхэр» хэлэжьагъ ыкIи кIэух къэгъэлъэгъоным хагъэхьагъ. Челя­бин­скэ хэкум культурэмкIэ и Министерствэ ар зэхищагъ.

Купым ипащэу, Урысыем культурэмкIэ изаслуженнэ IофышIэу, Адыге­им изаслуженнэ артистэу Нэныжъ Айдэмыр онлайн шIыкIэм тетэу тыдэгущыIагъ.
— Я VII-рэ Дунэе музыкальнэ фестивалэу «Уральская высота» зыфиIорэм апэрэу тырагъэ­блэгъагъ. Урысыем ишъо­лъыриплI ащ хэлэжьагъ. Зэнэкъокъу зыхэмылъ Iофтхьабзэр гъэшIэгъо-
нэу зэхащагъ. Зэхахьэм къыдыхэлъытагъэу десэхэр, зэIукIэгъухэр, мас­тер-классхэр, къэгъэлъэгъонхэр кIэлэцIыкIухэм афызэхащагъэх. Зэхахьэм къыщышъуагъэх, IэшIэгъа­бэхэм яшIыкIэ-амалхэр зэрагъэшIагъэх, кIэлэцIыкIухэр нэIуасэ зэфэшIыгъэнхэм епхыгъэ зэIукIэгъухэр рагъэкIокIыгъэх. Къалэхэу Миасс, Троицк тащыIагъ, — къыIуагъ Нэныжъ Айдэмыр.
Iофтхьабзэм пшъэрылъ шъхьаIэу иIэр лъэпкъ культурэр къызэтегъэнэгъэныр, лIэужыкIэхэм шэн-­хабзэхэм уасэ фа­шIэу, алъытэу пIугъэнхэр ары. Лъэпкъ зэмылIэу­жыгъохэм зыкIыныгъэрэ зэкъошныгъэрэ азыфагу илъыным фестивалыр те­гъэпсыхьагъ.
«Мыекъуапэ инэфылъэ­хэм» зэфэхьысыжь концертым адыгэ къэшъо пчъагъэ зыщызэхэугъое-
гъэ къэгъэлъэгъонэу «Си Адыгей» зыфиIорэр къыщишIыгъ, ар цIыфхэм лъэшэу агу рихьыгъ.
«Лъэпкъ адыгэ къашъо­хэр» зыфиIорэ мастер-­классэу нэбгырэ 200 фэ­диз зыхэлэжьагъэр Нэныжъ Айдэмыр къы­тыгъ. Адыгэ къашъохэр къэзэрэугъоигъэхэм зэрашIогъэшIэгъоныгъэр купым ипащэ изэфэхьысыжьхэм къащыхигъэщыгъ.
Адыгеим икультурэ тилъэпкъ къашъохэмкIэ тыди щызэлъязыгъэшIэрэ купым Мыекъуапэ къы­гъэзэжьыгъ.
Лъэпшъыкъо
Фатим.