Творческэ куп зэфэшъхьафхэр зыхэлэжьэгъэхэ мэфэкI Iоф­тхьа­бзэр Хьаджыкъом щыкIуагъ.

ХьакIэхэми мыщ щыпсэухэрэми урыс шэн-хабзэхэр арагъэлъэгъугъэх. Ащ къыдыхэлъытагъэу лъэпкъ тхыпхъэхэм яшIынкIэ мастер-классхэр зэхащагъэх, «Движение Первых» зыфиIорэм хэтхэм нысхъапэхэм яшIын кIэлэцIыкIухэм арагъэлъэгъугъ. Ащ фэшъхьафэу урыс унэгъо хъызмэтым щыщ пкъыгъохэм якъэгъэлъэгъони рекIокIыгъ.
Культурэм и Унэ ичIэхьапIэ дышъэпс егъэшъогъэ самовархэр щызэпэIутыгъэх. ХьаджыгъэхэкI шхыныгъохэм щаим уащы­дешъон плъэкIынэу гъэпсыгъагъэ. IэпэIасэхэм зэхащэгъэ къэгъэлъэгъоным цым хэхъыкIыгъэ джэгуалъэхэр, пхъэм, пцел къутамэхэм ахэшIыкIыгъэ IэрышIыгъэ пкъыгъохэр къыщагъэлъэгъуагъэх ыкIи ащагъэх. Хьаджыкъо къоджэ псэу­пIэм ипащэу ГъукIэлI Аминэт къызэри­IуагъэмкIэ, зэгурыIоныгъэрэ зэныбджэгъу­ныгъэрэ азыфагу илъэу псэурэ лъэпкъ зэфэшъхьафхэм Адыгеир яун.
— Илъэс пчъагъэхэм къакIоцI респуб­ликэм щыпсэурэ лъэпкъ зэфэшъхьафхэм яшэн-хабзэхэр къэухъумэгъэнхэмкIэ Iофышхо тэшIэ. Ащ изы щыс урыс культурэм и Мафэу зэхэтщагъэр. Лъэпкъ зэфыщытыкIэхэр жъугъэпытэхэу, творческэ зэдэлэжьэныгъэр, мамырныгъэр шъуазыфагу илъэу шъупсэунэу сы­шъуфэлъаIо, — къыщиIуагъ ГъукIэлI Аминэт ишIуфэс гущыIэ.
МэфэкIым къекIолIагъэхэр творческэ купхэм къагъэхьазырыгъэ къэгъэлъэгъон­хэм яплъыгъэх, зэнэкъокъухэм ахэлэжьагъэх.