Япсауныгъэ агъэпытэ
Лъэс зекIонымкIэ Iофтхьабзэу «Дышъэ мафэхэр» зыфиIорэр Мыекъуапэ щэкIо.
Ащ хэлажьэхэрэм пшъэрылъ шъхьаIэу яIэр лъэбэкъу мини 100 къакIуныр ары.
Зызыушэтыхэрэм ащыщэу нэбгыриплIымэ мэфи 2-м къыкIоцI шапхъэхэр агъэцэкIагъэх. Марафоныр апэу зыкIугъэр республикэм икъэлэ шъхьаIэ щыпсэурэ Елена Зезюкинар ары. Ащ ыуж итых Псэунэ Назир, Ирина Плетневар ыкIи Андрей Зезюкиныр.
ЗэхэщакIохэм къызэраIуагъэмкIэ, Iофтхьабзэм нэбгыри 160-рэ хэлажьэ. Ахэр Адыгеим, Краснодар краим ыкIи Челябинскэ хэкум ащэпсэух. Зэрагъэнэфагъэу, мэфи 7-м лъэбэкъу мини 100 къэзыкIугъэхэм зэкIэми текIоныгъэр афагъэшъуашэ.
Iофтхьабзэм хэлажьэхэрэм яфизическэ ухьазырыныгъэ зэраушэтырэм дакIоу, япсауныгъи агъэпытэ. Ащ мэхьанэшхо иI.