Квадрокоптерхэр купэу гъэбыбыгъэнхэмкIэ апэрэ Урысые зэнэкъокъоу Бытырбыф щыкIуагъэм Адыгеим илIыкIохэм ятIонэрэ чIыпIэр къыщыдахыгъ.

Къэнэфырэ квадрокоптерхэм якъэгъэ­лъэгъон зэнэкъокъур фэгъэхьыгъагъ. КIэух едзыгъом Урысыем ишъолъыри 6-мэ якупи 7 нэсыгъ. Республикэм иер анахь дэгъухэм ахэфагъ ыкIи тыжьын бгъэхалъхьэр къылэжьыгъ.
Зэнэкъокъум къыдыхэлъытэгъэгъэ едзыгъо заулэр макIофэкIэ ныбжьыкIэхэм 3D анимацием ишIынкIэ амалхэр къызIэкIагъэхьагъэх, квадрокоптерхэр атIупщынхэу загъэсагъ, ахэм ягъэбыбынкIэ, хьисапымкIэ, геометриемкIэ, физикэмкIэ, информатикэмкIэ шIэны­гъэу аIэкIэлъхэм ахагъэхъуагъ. Ахэм язэфэ­хьысыжь зэнэкъокъум икIэух едзыгъо нэрылъэгъу къыщашIыжьыгъ.
Компьютерым фегъэджэгъэнхэмкIэ университет гупчэу «Турбо» зыфиIорэм икуп хэтыгъэ нэбгыритIум кIэлэегъаджэу Марина Сергеевар ягъусэу зэрифэшъуа­шэу Адыгеир Iофтхьабзэм къыщагъэлъэ­гъуагъ.

«ХэушъхьафыкIыгъэ программэу ПО Blender зыфиIорэмкIэ анимациер апэрэу тшIыгъэ, ащ фэдэм ыпэкIэ тырылэжьагъэу щытыгъэп. Квадрокоптерэу «Пионер» зыфиIорэм Iоф дэтшIэныр тшIогъэ­шIэгъоныгъ, ари тэркIэ лъэбэкъукI», — къыхагъэщыгъ Адыгеим икуп хэтхэм.
Сурэтхэр: ГК «Геоскан».