ГандболымкIэ Урысыем и Суперлигэ хэт Мыекъопэ «АГУ-Адыифыр» Краснодар щыIукIагъ чIыпIэ командэу «Кубань» зыфиIорэм.

«Кубань» — «АГУ-Адыиф» — 32:25 (17:12).
«Кубань» щешIагъэх: къэлэпчъэIутхэр – Якуповар, Пойловар. Казихановар – 6, Овчинниковар – 6, Хьэкуамэр – 6, Жилинскайте – 5, Федоровар – 2, Савиновар – 2, Серадскаяр – 2, Морозовар – 1, Кондратенкэр – 1, Гафоновар – 1.
«АГУ-Адыифым» хэтыгъэх: къэлэпчъэIутхэр – Пивневар, Гобадзе, Баскаковар. Суздальцевар – 5, Краснокутскаяр – 3, Къэбжьыр – 3, Коблыр – 3, Пономаревар – 2, Болоба – 2, Селиверстовар – 2, Коваленкэр – 2, Бондаренкэр – 2, Тишинар – 1.
ЗэIукIэгъум ипэублэ къыхиубы­тэрэ апэрэ такъикъ 15-м хьакIэхэр нахь дэгъоу ешIагъэх. Ау нэужым «Кубань» хэпшIыкIэу иешIакIэ ригъэхъугъ ыкIи къэлапчъэм Iэгуаор нахьыбэрэ дидзагъ. ЯтIо­нэрэ таймыми бысымхэр цыхьэшIэгъоу ешIагъэх, пчъагъэм хагъэхъуагъ. Тикомандэ щешIэрэ Елизавета Суздальцевам тфэгъо­гогъо къэлапчъэм Iэгуаор ди­дзагъ. «Кубань» щешIэрэ нэбгырищмэ гъогогъу хырыхэ къэлапчъэм Iэ­гуаор дадзагъ. Ахэм ащыщ гандболымкIэ Мыекъопэ еджапIэм щагъэсэгъэ Диана Казихановар.
«АГУ-Адыифыр» я 10-рэ чIыпIэм щыт. КъыкIэлъыкIощт ешIэгъур тикомандэ Мыекъуапэ щыриIэщт, чъэпыогъум и 18-м «Ладэр» тихьакIэщт.
Командэхэр зыдэщыт чIыпIэхэр ыкIи очко пчъагъэу ра­гъэкъугъэр:

1. «Ростов-Дон» — 16.
2. «Астраханочка» — 11.
3. «Кубань» — 11.
4. «Черноморочка» — 10.
5. «ЦСКА» — 10.
6. «Лада» — 8.
7. «Динамо-Синара» — 5.
8. «Луч» — 4.
9. «Звезда» — 3.
10. «АГУ-Адыиф» — 2.
11. «Университет» — 0.