Атлетикэ онтэгъумкIэ Урысыем ипервенствэ Краснодар краим ипсэупIэу Сукко щыкIуагъ. Илъэс 15 – 18 ыкIи 19 – 20 зыныбжь спортсменхэм заушэтыгъ. Адыгеим илIыкIохэм гъэхъэгъэшIухэр ашIыгъэх, хагъэунэфыкIырэ чIыпIэхэр къыдахыгъэх.

Республикэр къэзыгъэлъэгъуагъэхэм ащыщхэу Дмитрий Шмаринымрэ ЩашIэ Рустамрэ медальхэр къафагъэшъошагъэх. Апэрэм текIоныгъэр къы­дихыгъ, Рустам ятIонэрэ хъугъэ.
Тиспортсмен ныбжьыкIэхэм ыкIи ахэм ятренерхэу Сихъу Рэмэзанрэ Чэмбэхъу Анзоррэ тафэгушIо, тапэкIи мыщ фэдэ гъэхъэгъэшIухэр ашIынхэу афэтэIо.