Художественнэ гимнастикэмкIэ Урысые зэнэкъокъоу «Тавридэ ижъуагъохэр» зыфиIорэм Адыгеим испортсменкэу Милена Капковар хэлэжьагъ ыкIи тыжьын медаль къыщихьыгъ.

Къалэу Алушта щыкIогъэ турнирыр къэралыгъомкIэ анахь мэхьанэшхо зиIэхэм ащыщ. Урысыем ишъолъыр 25-мэ къарыкIыгъэ лIыкIохэм мыщ зыщаушэтыгъ. Ахэм аныбжь илъэс 18-м шIокIырэп.
Спорт еджапIэу В. С. Максимовым ыцIэ зыхьырэм зыщызыгъэсэрэ Миленэ гъэхъэгъэшIухэр ышIыгъэх, унэе зэнэкъокъухэм ятIонэрэ чIыпIэр къащыдихын ылъэкIыгъ.