Адыгеим икомандэ къахэщыгъ
Урым-рим бэнэнымкIэ къалэу Шъачэ щыкIогъэ зэнэкъокъоу «Хы ШIуцIэм и Кубок» зыфиIорэм Адыгэ Республикэм икомандэ дэгъоу закъыщигъэлъэгъуагъ, ящэнэрэ чIыпIэр къыщыдихыгъ. Урысыем изаслуженнэ тренерэу Киркор Варваштьян ишIухьафтын зэрылъ турнирым зыныбжь илъэс 18-м емыхъугъэ кIалэхэр хэлэжьагъэх.
Адыгеим, Темыр Осетием—Аланием, Чэчэн Республикэм, Краснодар ыкIи Ставропольскэ крайхэм, Ростов хэкум яспортсменхэр зэнэкъокъугъэх. Тэхъутэмыкъое районым испорт еджапIэхэм защызыгъэсэрэ кIалэхэм Адыгеир турнирым къыщагъэлъэгъуагъ. Краснодар краим ибэнакIохэм текIоныгъэр къыдахыгъ, Ростов хэкум ятIонэрэ чIыпIэр фагъэшъошагъ, Адыгеим икомандэ ящэнэрэ.