Заомрэ IофшIэнымрэ яветеранхэу, Адыгэ Респуб­ликэм инахьыжъхэу лъытэныгъэ зыфэтшIыхэрэр!

Зыныбжь хэкIотагъэхэм я Дунэе мафэ фэшI тыгу къыддеIэу тышъуфэгушIо!
Тинахьыжъ лъапIэхэу Хэгъэгу зэошхом лIыгъэ щызезыхьагъэхэм, зэоуж илъэсхэми чанэу Iоф зышIагъэхэм, Адыгэ Респуб­ликэмрэ хэгъэгумрэ ясоциальнэ-экономикэ амалхэм зыкъя­гъэIэтыгъэным зиIахьышхо хэзышIыхьагъэхэм лъэшэу тызэрафэразэр ыкIи лъытэныгъэшхо зэрафэтшIырэр непэ къэтэIо.
ЛIыгъэ, пытагъэ, цIыфыгъэ­шхо зыхэлъ тинахьыжъхэу къэ­ралыгъом хэхъоныгъэ езыгъэшIыгъэхэр, непэ тызэрыгушхорэ пстэури тфэзыгъэпсыгъэхэр ыкIи къытфэзыухъумагъэхэр уи Хэгъэгу узэрэфэшъыпкъэн, псэ­емыблэжьныгъэ зэрэпхэлъын, уимурад узэрэфэкIон фаемкIэ сыдигъуи щысэтехыпIэшIоу тиIэх. Адыгэ Республикэм къыщытэджырэ Iофыгъохэм язэшIохынкIэ зыныбжь хэкIотагъэ­хэм опытэу, шIэныгъэу яIэр къафэфедэ. ЩыIэныгъэм бэ зыщыпэкIэкIыгъэ, ушэтыныбэ зэпызычыгъэ тинахьыжъхэр шэн-хэбзэ дахэхэр къызэтегъэ­нэжьыгъэнхэм, цIыфыгъэ ахэлъэу ныбжьыкIэхэр пIугъэнхэм яшъыпкъэу фэлажьэх.
Опытэу, шIэныгъэу яIэмкIэ хьалэлэу ныбжьыкIэхэм зэрадэгуащэхэрэм фэшI Адыгэ Респуб­ликэм инахьыжъхэм тызэрафэразэр мы мафэм къэтэIо.
Псауныгъэ пытэ, щыIэкIэшIу шъуиIэнэу, шъуигъашIэ кIыхьэ хъунэу, шъуигупсэхэмрэ шъуиIахьылхэмрэ ягуфэбэныгъэ шъу­щымыкIэнэу, жъышъхьэ мафэ шъухъунэу тышъуфэлъаIо!
Адыгэ Республикэм и ЛIышъхьэу, Урысые
политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет —Хасэм и Тхьаматэу Владимир Нарожнэр