ГандболымкIэ Урысыем и Суперлигэ щешIэрэ «АГУ-Адыифым» Волгоград щыриIэгъэ зэIукIэгъур шIуахьыгъ.

«Динамо-Синара» — «АГУ-­Адыиф» — 44:24 (24:13).
ЗэIукIэгъум ипэублэ щегъэжьагъэу бысымхэр хэпшIыкIэу нахь лъэшыгъэх. Ахэр псынкIэу ыпэ илъыщтыгъэх, ащ фэдэ ешIакIэм хьакIэхэр фэхьазырыгъэхэп. «Динамэм» хэт гандболисткэхэм зэкIэми къэлапчъэм Iэгуаор дадзагъ. Ахэм ащыщэу нэбгыриим Iэгуаоу адзыгъэр зэкIэ къэлапчъэм дэфагъэх. Анахь къахэщыгъэхэр Анастасия Шкити­намрэ Арина Безбабныхрэ. Апэрэм Iэгоуи 8, ятIонэрэм – 6 дадзагъ.

Адыгеим икомандэ анахь дэгъоу зыкъыщызыгъэ­лъэгъуагъэр Ирина Бондаренкэр ары, ащ къэлапчъэм Iэгоуи 6 дидзагъ. ТикъэлэпчъэIутхэри цыхьэшIэгъоу ешIагъэхэп, Iэгоо 49-у къадзыгъэм
щыщэу къызэкIадзэжьыгъэр 5 ныIэп.