Адыгэ Республикэм и Къэралыгъо Совет — Хасэм и Кубок зэрылъ зэнэкъокъухэм яапэрэ едзыгъо зыщырагъэкIокIыщт мафэхэр къэнэфагъэх.

Зэнэкъокъухэм команди 6 ахэ­лажьэ: «Мыекъуапэ», «Асбир» (Адыгэкъал), «Кощхьабл», «Кавказ-Адэмый» (Красногвардейскэ район), «Урожай» (Мые­къопэ район), «Чэчэнай» (Теуцожь район). Пхъэдзым къы­зэригъэлъэгъуагъэм тетэу, шы­шъхьэIум и 3-м финалым ихьанхэм фэшI селоу Красногвар­дейскэм щызэIукIэщтых командэу «Кавказ-Адэмый» зыфиIорэмрэ «Мыекъуапэмрэ». ШышъхьэIум и 4-м финалныкъом иешIэгъухэр щыIэщтых, Пэнэжьыкъуае щызэдешIэщтых «Чэчэнаимрэ» «Асбир» зыцIэмрэ. А мэфэ дэдэм поселкэу Тульскэм щешIэщтых джырэкIэ Адыгеим и Кубок зыIэ­кIэлъ «Урожай» зыцIэмрэ «Кощ­хьаблэмрэ». ЗэкIэ ешIэгъухэр пчы­хьэм сыхьатыр 6-м аублэщтых.