ХэушъхьафыкIыгъэ дзэ операцием иветеранхэу Адыгэ Республикэм щыпсэухэрэм шъолъыр зэнэкъокъоу «Хэгъэгум иухъумакIохэм я Кубок» икъыдэхын зыфагъэхьазыры.

ХэушъхьафыкIыгъэ дзэ операцием хэлэжьэгъэ нэбгыритфэу шъобжхэр ыкIи уIагъэхэр зытелъхэр командэм хэтых. Зэнэкъокъу­хэм къащыдэлъытагъ щэрыоныр, щэбзащэкIэ онхэр, армспортыр, пауэрлифтингыр, столкIыIу теннисыр ыкIи волейболыр.
Фондэу «Хэгъэгум иухъумакIохэр» зыфиIорэм икъутамэу Адыгеим щыIэм адаптивнэ спортым фэгъэзэгъэ еджапIэр иIэпыIэгъоу лъэныкъохэм зэкIэми командэр афигъэхьазырыгъ.
Къыблэ ыкIи Темыр-Кавказ шъолъырхэм якомандэхэр зыхэлэжьэщтхэ зэнэкъокъухэр къалэу Ставрополь шышъхьэIум и 15-м къыщегъэжьагъэу и 18-м нэс щыкIощтых.