КъекIокIырэ клубыр мэлажьэ
![Image description](images_upload?image_name=2024/07/66.jpg)
Джэджэ районым ипсэупIэхэу культурэм иунэхэр зыдэмытхэм адэжь джы автоклубыр еблагъэ. Мазэ хъугъэу ар къутырхэм адэхьэ, цIыфхэм къэгъэлъэгъонхэр афащэх.
Концерт къэптыщтымэ, кощырэ культурнэ гупчэр ищыкIэгъэ Iэмэ-псымэхэмкIэ зэтегъэпсыхьагъ: къызэкIэпхырэ сценэр, макъэ ыкIи мультимедийнэ псэуалъэхэр зэкIыгъух. Джэ-
джэ районымкIэ культурэм иунэхэм язэхэт системэ ипащэу Нэгъой Бислъан къызэриIуагъэмкIэ, мазэм зэ автоклубыр псэупIэхэм адахьэзэ ышIыщт.
— Мы илъэсым ыкIэ нэс Iоф зэрэтшIэщтыр дгъэнэфэгъахэ. ИтхъухьагъэмкIэ тирайон ипсэупIитф къызэлъытыубытынэу ары, ау ар кIэух пчъагъэп. Сыдэущтэу Iоф тшIэра? ГущыIэм пае, Джэджэ къоджэ псэупIэм хэхьэрэ Гончаркэм дэт культурэм и Унэ иIофышIэхэм къутырэу Черемушкэм къэгъэлъэгъон автоклубымкIэ къыщатыгъ, сыда пIомэ ахэр зэпэблагъэх. Клубхэр зиIэхэм ахэр зыдэмытхэм гъунэ алъафынэу тшIыгъэ.
![](images_upload?image_name=2024/07/6-1024x680.jpg)
Мыщ фэдэ автоклуб республикэмкIэ непэ зиIэр Джэджэ район закъор ары. Мы илъэсым игъатхэ ар зэрагъэгъотыгъ. Лъэпкъ проектэу «Культурэм» къыдыхэлъытагъэу проектэу «Культурная среда» зыфиIорэм ишIуагъэкIэ къащэфын алъэкIыгъ.
Анцокъо Ирин.