Урысые политическэ партиеу «Единэ Россием» ифракциеу АР-м и Къэралыгъо Совет — Хасэм хэтым идепутатхэм мы тхьамафэм цIыфхэр рагъэблагъэх.

Партием икъотэгъухэм яобщественнэ Штабэу Мыекъуапэ дэтыр, общественнэ приемнэхэр ары зыщызэхащэхэрэр, социальнэ IэпыIэгъум ахэр фэгъэ­хьыгъэх.
Графикэу цIыфхэм зыщаIу­кIэщтхэр, ащ зыхябгъэтхэным ищыкIагъэхэр къэбар жъугъэм иамалхэм къыхаутыгъ, къэралыгъо хэбзэ къулыкъухэм яинтернет нэкIубгъохэм, депутатхэм нэкIубгъоу социальнэ хъытыум щашIыгъэхэм къарыхьагъ.
Бэдзэогъум и 15-м рагъэ­жьагъ, и 19-м нэс цIыфхэр рагъэблэгъэщтых, пчэдыжьым сыхьатыр 10:00-м къызэIуахыщтых, 17:00-м нэс Iоф ашIэщт. Депутат пстэур, сенаторхэр, къулыкъу ыкIи организацие зэ­фэшъхьафхэм ялIыкIохэр ахэм ахэлэжьэщтых.
Ахэм аIукIэмэ зышIоигъохэр «линие плъырым» ителефонхэм атеонхэ алъэкIыщт. Мары ахэр: 8(8772) 52-76-02, 8(8772) 52-76-03. Джащ фэдэу электроннэ почтэр агъэфедэн амали щыI. Мары адресыр: op@adygei.er.ru
Штабыр зыдэщыIэр: къалэу Мыекъуапэ, урамэу Пролетарскэр, 449.