Мухьаррам мазэмкlэ быслъы­мэнхэм агъэлъэпlэрэ Ашрэе маф непэ.

Бэдзэогъум и 16-м ар зэрэтефэрэр АР-м ыкlи Пшызэ шъолъыр ащыпсэурэ быслъымэнхэм я Диндэлэжьапlэ ителеграм-нэкlубгъо ыпаIокIэ къыщитыгъагъ. Къэбарым къызэрэщыIуагъэмкIэ, мы мафэм инэшэнэ шъхьаIэр нэкI пIыгъыныр ары. Ар зыгъэцакIэрэм игунахьшIагъэхэр Тхьэм фегъэгъух. НэкIым игъэцэкIэнкIэ узэрыгъозэн фаеу алъытэрэр Алахьым илIыкIо къыIуагъэр ары: «Ашраим ыпэрэ мафэм ыкIи ыужырэм нэкI шъуIыгъ». НэкIым нэмыкIэу сэдакъэр непэрэ мафэм къыдыхэлъытагъ.
«Ашура» ыlомэ къикlырэр — пшlы, япшlэнэр. Мухьаррам мазэу кlорэм Ашурэр ияпшlэнэрэ маф. Мэфэкl шхынэу агъэхьазырырэм мафэм ыцlэ ехьы — ашура, ашрай.
Анцокъо Ирин.