Зэзэгъыныгъэм кIуачIэ иIэжьэп
Беслан Аджинджал — «Зэкъошныгъэм» итренер шъхьаIэ, IэнатIэр къыгъэтIылъыгъ.
Клубымрэ тренер шъхьаIэмрэ яшIоигъоныгъэхэр зэтефэхэу зэзэгъыныгъэр аукъожьыгъ. Футбол клубым ихэушъхьафыкIыгъэ сайт къыщатхыгъ тренерым зэрэфэразэхэр ыкIи тапэкIэ гъэхъагъэхэр ышIынхэу фэлъэIуагъэх.
Шъугу къэдгъэкIыжьын, Аджинджал командэм Iэшъхьэтет зыфэхъугъагъэр 2023-рэ илъэсым икъихьэгъур ары. Мыгъэ «Зэкъошныгъэм» ешIэгъу 15 иIагъ, 4-м ащытекIуагъ, 9-м къытекIуагъэх. Джырэ уахътэм, апэрэ ешIэгъу къекIокIыгъом ыуж, ащ чIыпIэ 17-м щыщэу я 15-р еубы-
ты. ЯтIонэрэ ешIэгъу къекIокIыгъор Адыгеим икомандэ Ростов-на-Дону бэдзэогъум и 27-м щыригъэжьэщт. Ятренерыщтыр джырэблагъэ къэнэфэнэу мэгугъэх.