Олимпиадэхэм ахэлэжьэщтхэр зыщагъэхьазырырэ республикэ спорт еджапIэу N 1-м испортсменэу Владислав Подзвездовым атлетикэ псынкIэмкIэ Урысыем и Кубок икъыдэхынкIэ зэнэкъокъоу Чебоксары щыкIуагъэм я 3-рэ чIыпIэр къыщихьыгъ.

Тренерэу Евгений Хабибулиным ыгъэсэрэ кIалэм икъулайныгъэ анахьэу къызщылъэгъуагъэр метрэ 1500-м икъэчъын ары. ЗэкIэми апэ итэу ар бэрэ къэчъагъ, нэбгыритIу ащ ыпэ зишъыгъэр аужырэ такъикъхэр ары. Московскэ, Белгород хэкухэм ацIэкIэ зэнэкъокъум хэлэжьэгъэ Сергей Дубровскэм апэрэ чIыпIэр, Пермь хэкум къикIыгъэ Станислав Угрин я 2-рэ чIыпIэр афагъэшъошагъ.