Мыекъуапэ илэжьэкIо купхэм яспартакиадэ бэдзэогъум и 20-м щегъэжьагъэу шышъхьэIум и 10-м нэс Адыгеим икъэлэ шъхьаIэ щыкIощт.

Ащ изэхэщакIохэр муниципальнэ образованиеу «Къалэу Мые­къуапэ» физическэ культурэмкIэ ыкIи спортымкIэ и Комитетрэ Адыгеим ипрофсоюзхэм я Федерациерэ. Бэдзэогъум и 18-м нэс организациехэм ялъэIу тхылъхэр арахьылIэн алъэкIыщт.
Спорт лъэпкъи 6-кIэ организациехэм ащылажьэхэрэм заушэтынэу амал яIэщт. Бэдзэ­­огъум и 20-м спартакиадэр рагъэ­жьэщт, а мафэм волейболымкIэ лэжьэкIо купхэм яIэпэIэсэныгъэ къагъэлъэгъощт. Бэдзэогъум и 27-м — есынымкIэ, шышъхьэIум и 3-м – щэрыонымкIэ, шышъхьэIум и 4-м – теннисымкIэ зэнэкъокъухэр щыIэщтых. ШышъхьэIум и 10-м – физкультурникым и Мафэ спартакиадэр зэфашIыжьыщт. А мафэм шахматхэмкIэ ыкIи дартсымкIэ лэжьакIохэр зэнэкъокъущтых. Спартакиадэм хэлажьэ зышIоигъо командэхэр Мыекъуапэ испорткомитет (ур. Краснооктябрьскэр, 21) щатхыщтых.