МВД
Адыгэ Республикэм и МВД наркотикхэм якъегъэкIокIын лъыплъэрэ игъэIорышIапIэ икъулыкъушIэмэ оперативнэ къэбар къаIэкIэхьагъ.
Ащ къыщиIощтыгъ Красногвардейскэ районым ипсэупIэмэ ащыщ щыпсэурэ илъэс 56-рэ зыныбжь хъулъфыгъэр хабзэм димыштэрэ Iофхэм апылъэу. УплъэкIунхэр зызэхащэхэм, къэбарыр зэрэшъыпкъэр къэнэфагъ, хъулъфыгъэр зыщыпсэурэ чIыпIэм «шъхьэгъэунэзэ уц» бэдэдэ къыщагъотыгъ.Хъулъфыгъэм ищагу оперативникмэ кIэп куашэхэу щигъэгъушъыщтыгъэхэр къыщагъотыгъэх, унэ кIоцIым бгъэфедэным фэхьазыр марихуанэр илъыгъ. Къагъотыгъэр, специалистмэ зэрагъэунэфыгъэмкIэ, килограмм 12 фэдиз хъугъэ.БзэджашIэр къаубытыгъ. Ащ къызэриIуагъэмкIэ, кIэпэу къэбгъэкIы мыхъущтыр ищагу щыриутыгъагъ, бжыхьэ уахътэр къызэсым, «лэжьыгъэр» Iуихыжьыгъ ыкIи ыгъэгъунэу къакъырым рилъхьэгъагъ, нэужым ежь ыгъэфедэщт наркотикыр ахишIыкIын имурадыгъ.Адыгэ Республикэм и МВД иоперативникмэ къаугъоигъэ материалхэр яIэубытыпIэу Следственнэ гъэIорышIапIэм хъулъфыгъэм уголовнэ Iоф къыфызэIуихыгъ Урысые Федерацием и Уголовнэ кодекс ия 228-рэ статья ия 2-рэ Iахь диштэу. Хъулъфыгъэр изоляторым чIагъэтIысхьагъ. Хэбзэукъоныгъэу зэрихьагъэм фэгъэхьыгъэ уплъэкIунхэр макIох.