Шъусакъ!

Аужырэ уахътэм зэгуцэфэхэрэ пкъыгъохэр цIыфмэ къагъотэу бэрэ къыхэкIы, ахэр къэонхэм тещыныхьэх.

Ащ фэдэ пкъыгъохэр транспортым, дэкIояпIэхэм, унэ чIэхьапIэхэм, учреждениехэм ыкIи цIыфхэр жъу­гъэу зыщызэхэхьэхэрэ чIыпIэхэм къащагъотэу мэхъу. Шъуапэ къифэгъэ пкъыгъор а чIыпIэм щылъынэу щымытэу шъулъытагъэмэ, ащ шъунаIэ тешъудз.Зыгорэм щыгъупшэгъэ Iалъмэкъ е фэшъхьаф пкъы­гъо горэ общественнэ транспортым ишъулъэгъуагъэмэ, зиемкIэ цIыфэу исхэм шъуяупчI, зыщыгъупшагъэ горэ къахэкIынкIи мэхъу. Зиер къэмынэфагъэмэ, ащ лъыпытэу водителым макъэ ежъугъэIу.Фэтэрыбэу зэхэт унэу шъузычIэсым идэкIояпIэ пкъыгъо горэ телъэу шъулъэгъугъэмэ, гъунэгъумэ шъуахэупчIыхь, ащыщ горэм иемэ жъугъэунэфы. Ау ащ фэдэ къахэмыкIмэ, охътабэ тешъумыгъашIэу ­полицием шъуфытеу.Учреждением шъузэгуцэфэрэ пкъыгъом шъунаIэ щытешъудзагъэмэ, ащ лъыпытэу а учреждением иадми­нистрацие макъэ ежъугъэIу, ар мыхъумэ, дежурнэм къэбарыр къыфэшъуIуат.Зигугъу къэтшIыгъэ хъун ылъэкIыщтхэм къакIэ­лъыкIоу:— къэжъугъотыгъэр къызэIушъумых ыкIи лъышъумыгъэкIуат;— ар зиер къызэрэхэжъугъэщыщтым ыуж шъуит;— зиер къэшъумыгъотмэ, полицием макъэ ежъугъэIу е патрульнэ къулыкъушIэм къэбарыр лъыжъугъэIэс;— шъукъэзыуцухьэрэ цIыфмэ шъузэгуцэфэрэ пкъы­гъор къызэрэжъугъотыгъэр яжъугъашI ыкIи чIыпIэр абгынэнэу яшъуIу;— лъыхъокIо-оперативнэ купыр къэсыфэ шъуеж.Зыщышъумыгъэгъупш!!!Пкъыгъом итеплъэ ар зыфытегъэпсыхьагъэр ыгъэ­былъын ылъэкIыщт. Къэорэ пкъыгъохэм апае Iалъмэкъ­хэр, пакетхэр, щыхьагъэхэр, къамланхэр, джэгуалъэ­хэр агъэфедэх.Джыри зэ шъугу къэтэгъэкIыжьы!!!Ны-тыхэр! Шъуисабыймэ ящыIэныгъэ ыкIи япсауныгъэ шъоры зыIэ илъыр. КIэлэцIыкIумэ агурыжъу­гъаIу урамым къыщагъотырэ пкъыгъо пэпчъ ущыщынэнэу зэрэщытыр. Къэжъугъотырэ пкъыгъомэ шъор-шъорэу зи яшъумыпэс.