«ШIэныгъэм» ихъарзынэщ
Урысые обществэу «ШIэныгъэм» и Экспертнэ совет Адыгеим илIыкIохэр хэхьагъэх. Ахэр Мыекъопэ къэралыгъо технологическэ университетым къэбар щынэгъончъэнымкIэ ыкIи прикладной информатикэмкIэ икафедрэ ипащэу Цундышк Вячеславрэ тарихъымкIэ ыкIи правэмкIэ кафедрэм ипрофессорэу Александр Соповымрэ.
Советым хэтхэм лъэныкъо 17-кIэ тынхэр зытефэу алъытэхэрэр агъэнэфэщтых. Джащ фэдэу проект анахь дэгъухэр къыхахыщтых.Къыхэгъэщыгъэн фае, гъэсэныгъэмрэ шIэныгъэмрэкIэ Экспертнэ советыр къэзыгъэлъагъохэрэр УФ-м просвещениемкIэ иминистрэ иапэрэ гуадзэу Александр Бугаевыр, физикэмрэ хьисапымрэкIэ Лъэпкъ гупчэм инаучнэ пащэу, Урысыем шIэныгъэхэмкIэ иакадемие иакадемикэу Александр Сергеевыр, УФ-м шIэныгъэмрэ апшъэрэ гъэсэныгъэмрэкIэ иминистрэ игуадзэу Ольга Петровар ыкIи нэмыкIхэр.— Илъэсихым къыкIоцI «ШIэныгъэр. ШIухьафтыныр» зыфиIорэм и Экспертнэ совет хэтхэр фэдиплIыкIэ нахьыбэ хъугъэ. Тыным фэбэнэщтхэм уасэ афэзышIыщтхэм япчъагъэ блэкIыгъэ илъэсхэм атекIы. Ахэр Урысыем ишъолъырхэм зэкIэми ялIыкIох, — къыIуагъ Урысые обществэу «ШIэныгъэм» игенеральнэ пащэ игуадзэу Кирилл Хвиль.«ШIэныгъэр. ШIухьафтын-2026-рэ» зыфиIорэр зыфагъэшъошэщтхэм нэужым ар Москва къащаратыжьыщт.Анцокъо Ирин.