Урысыем хэгъэгу кIоцI IофхэмкIэ и Министерствэ дознаниемкIэ иотделэу Тэхъутэмыкъое районым щыIэм илъэс 41-рэ зыныбжь хъулъфыгъэу Краснодар щыщым ылъэныкъокIэ уголовнэ Iоф къызэIуихыгъ.
Мыщ ыпэкIэ гъогу патруль къулыкъум иIофышIэхэм хъулъфыгъэр Тэхъутэмыкъое районым къыщагъэуцугъ. КъулыкъушIэхэр водителым дэгущыIэхэзэ, гу лъатагъ ар зэрешъуагъэм ыкIи медицинэ уплъэкIунхэр ышIынэу раIуагъ, ау водителыр ащ къезэгъыгъэп.Ащ нэмыкIэу, зэрагъэунэфыгъэмкIэ, ыпэкIи мы хъулъфыгъэр ешъуагъэу къагъэуцуи административнэ пшъэдэкIыжь рагъэхьыгъэу щытыгъ.Автомобилыр къыIахыгъ ыкIи хэушъхьафыкIыгъэ уцупIэм агъэуцугъ.