Урысые Федерацием итеатральнэ IофышIэхэм я Союз икъутамэу Адыгеим щылажьэрэм итхьаматэу, АР-м и Театральнэ зэхахьэ ихудожественнэ пащэу Ацумыжъ Рустам УФ-м итеатральнэ обществэ исекретарэу хадзыгъ.
УФ-м итеатральнэ IофышIэхэм я Союз ия Х-рэ зэфэсэу чъэпыогъум и 22-м Москва щыкIуагъэм унашъор щаштагъ. Джащ фэдэу Урысыем итеатральнэ IофышIэхэм я Союз Урысые театральнэ обществэкIэ зэблэхъугъэнэу зэфэсым щызэдаштагъ. Тихэгъэгу ишъолъыр зэфэшъхьафхэм къарыкIыгъэ делегати 195-рэ зэфэсым хэлэжьагъ.Театральнэ IофышIэхэм я Союз илъэси 150-рэ зэрэхъурэмкIэ УФ-м и Президентэу Владимир Путиныр къафэгушIуагъ. Культурнэ баиныгъэр къэухъумэгъэнымкIэ театрэм мэхьанэу иIэр къыхигъэщыгъ.УФ-м и Президент и Администрацие ипащэ игуадзэу Сергей Кириенкэм ипсалъэ къыщыхигъэщыгъ театрэхэм федеральнэ мэхьанэ зиIэ культурнэ Iофтхьэбзэ инхэр шъолъырхэм зэращырагъэкIокIыхэрэр. ЫпэкIи лъэбэкъу инхэр ашIынэу къафэлъэIуагъ.Лъэпшъыкъо Фатим.