Футбол цIыкIумкIэ (8x8) Адыгэ Республикэм и Суперкубок икъыдэхын фэгъэхьыгъэ ешIэгъу чъэпыогъум и 24-м стадионэу «Юностым» щыкIощт ыкIи мыр апэрэу рагъэкIокIыщт.
Iофтхьабзэм кIэщакIо фэхъугъэх Адыгеим футболымкIэ и Федерациерэ АР-м физическэ культурэмкIэ ыкIи спортымкIэ и Комитетрэ.Суперкубокым фэбэнэщтых 2026-рэ илъэсым икомандэ анахь лъэшитIур — «Алиромрэ» (Мыекъопэ район) «Кавказ-Адэмыемрэ» (Красногвардейскэ район). ТекIоныгъэр къыдэзыхырэм джащ фэдэу ахъщэ шIухьафтынэу сомэ мин 30 фагъэшъошэщт.ЕшIэгъур пчыхьэм сыхьатыр 6-м рагъэжьэщт, уеплъыным пае ыпкIэ лъыптын ищыкIагъэп.