Ацумыжъ А. ихъарзынэщ
Адыгеим илIыкIуитIу «Лъэпкъым ынап-2026-рэ» зыфиIорэ цIэ лъапIэр къафагъэшъошагъ. Я VII-у зэхащэгъэ Урысые общественнэ тыным икъыдэхынкIэ Къыблэ федеральнэ шъолъырымкIэ едзыгъор Волгоград щыкIуагъ. Зэнэкъокъум нэбгырэ 1500-м ехъумэ ятхылъхэр къагъэхьыгъ, 326-р Къыблэ федеральнэ шъолъырым щыщ.
ОсэшI купыр ахэм ахэплъагъ ыкIи цIэ лъапIэр анахьэу зытефэу ылъытэрэ нэбгырэ 24-р къахихыгъ. «Лъэпкъ зэфэшъхьафыбэ Урысыер медиам» зыфиIорэ лъэныкъомкIэ КъТРК-у «Адыгеим» ипащэу Ацумыжъ Адам къыхагъэщыгъ. Адыгэ республикэ гимназием адыгабзэмрэ литературэмрэкIэ икIэлэегъаджэу Темзэкъо Маринэ «Урысыем иныдэлъфыбзэхэр» зышъхьэ номинациемкIэ тын лъапIэр къыфагъэшъошагъ.Адыгеим икIыгъэ лIыкIо купым ипэщагъ «Урысыем илъэпкъхэм я Асамблее» ишъолъыр къутамэ итхьаматэу ЛIымыщэкъо Рэмэзан.