Теннис цIыкIумкIэ Адыгэ Республикэм изэIухыгъэ турнир Мыекъуапэ щырагъэкIокIыгъ. Ар мэфиплIэ кIуагъэ, шъолъыри 9-мэ къарыкIыгъэ спортсмен 300 фэдиз хэлэжьагъ.
Адыгеир зэнэкъокъум къыщагъэлъэгъуагъ Мыекъуапэ, Адыгэкъалэ, Кощхьэблэ ыкIи Тэхъутэмыкъое районхэм ялIыкIохэм. Зэфэхьысыжь анахь дэгъухэр зиIэхэр Кощхьэблэ районым ипсэупIэу Вольнэм щыщхэр ары. Ахэм ятренер Игорь Асоцкэр.ХагъэунэфыкIырэ чIыпIэхэр къыдахыгъэх Дмитрий Устянскэм, Пелагея Калининам (тIогъогогъо), Арсений Семеновым.