Пчъагъэр зэфэдиз

ФутболымкIэ Урысыем ипервенствэ иятIонэрэ лигэ щешIэрэ Мыекъопэ «Зэкъошныгъэм» я 27-рэ турым къыдыхэлъытэгъэ зэIукIэгъоу иIагъэр къалэу Ростов-на-Дону щыкIуагъ. Зэнэкъокъум ящэнэрэ чIыпIэр щызыIыгъ «Ростов-2-м» дешIагъ.

«Ростов-2» — «Зэкъошныгъ» — 0:0 (0:0)«Ростов-2-м» хэтыгъэх:

Рязановыр (къэлэпчъэIут), Радченкэр, Бабакиныр (Ковальковыр), Колючкиныр, Жуковыр, Зубенкэр, Михайловыр, Амосовыр (Жуковыр), Мудрахимовыр (Шерматовыр), Чебураковыр (Шамониныр), Шанталий (Суановыр).Тренер шъхьаIэр:Алексей Едуновыр.«Зэкъошныгъэм» щешIагъэх:Хачировыр (къэлэпчъэIут), Юшко, Черджиевыр, ХъуакIор, Хьэхыр, Солоп, Малыш (Къонэр), Коблыр, Къэбжыр (Цанава), Датиевыр, Iащэр (Делэкъор).Тренер шъхьаIэр:Александр Кайвановыр.

ЕшIэгъур зэлъашIэрэ советскэ футболистэу Виктор Понедельник ыцIэ зыхьырэ стадионэу «Олимпым» щыкIуагъ, ащ нэбгырэ 262-рэ еплъыгъ. Бысымхэм Iэгуаор аIыгъыгъ, къэлапчъэм нахьыбэрэ дэуагъэх. Ау пчъагъэр къызэIуихынымкIэ «Зэкъошныгъэм» нахь амалышIухэр иIагъэх. Я 66-рэ такъикъым командэм икапитанэу Делэкъо Аскэр къэлапчъэм иза­къоу екIузэ, къылъычъэщтыгъэ ухъумакIоу Максим Радченкэм шапхъэхэр ыукъохи, тифутболист риутыгъ. Ащ къыхэкIыкIэ «Рос­тов-2-м» иешIакIо судьям картэ плъыжь къыригъэлъэгъугъ ыкIи ешIапIэм къыригъэкIыгъ. Я 83-рэ такъикъым Сослан Черджиевыр къэлапчъэм зыдаом, Iэгуаор ащ иштангэ тыригъэфагъ. Пчъагъэр 0:0-у зэIукIэгъур аухыгъ.

Я 27-рэ турым изэфэхьысыжьхэр:«Заря» — «Нарт» — 1:2, «Победа» — «Рубин Ялта» — 2:1, «Шахтер» — «Спартак-Налщык» — 1:0, «Астрахань» — «Кызылташ» — 0:0, «Чайка-М» — «Ангушт» — 5:3, «Ростов-2» — «Зэкъошныгъ» — 0:0, «Динамо-2» — «Севастополь» — 0:6.

«Зэкъошныгъэр» яенэрэ чIыпIэм къэнагъ. «Севастополь» текIоныгъэу къыдихыгъэм ишIуагъэкIэ зэнэкъокъур аухынкIэ турищ къэнагъэу лигэм пэрытны­гъэр щиубытыгъ. «Шахтерыр» ятIонэр, «Ростов-2-р» ящэнэрэ чIыпIэм щыт. КъыкIэлъыкIощт турым тикомандэ Мыекъуапэ щешIэщт, Луганскэ къэзыгъэ­лъэгъорэ «Заряр» тихьакIэщт.

Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Севастополь» — 62
2. «Шахтер» — 53
3. «Ростов-2» — 48
4. «Победа» — 45
5. «Нарт» — 40
6. «Рубин Ялта» — 40
7. «Кызылташ» — 38
8. «Зэкъошныгъ» — 37
9. «Спартак-Налщык» — 34
10. «Заря» — 30
11. «Астрахань» — 25
12. «Нефтяник» — 23
13. «Чайка-М» — 20
14. «Ангушт» — 19
15. «Динамо-2» — 17.