ЕшIэгъур шIуахьыгъ

ГандболымкIэ Урысыем ичемпионат и Супер­лигэ хэт бзылъфыгъэ командэхэм яблэнэрэ турым къыдыхэлъытэгъэ зэIукIэгъухэр яIагъэх. «АГУ-Адыифыр» Мыекъуапэ щешIагъ, Звени­город къэзыгъэлъэгъорэ «Звездар» тихьакIагъ.

«АГУ-Адыиф» — «Звезда» — 26:31 (12:16).«АГУ-Адыифым» щешIагъэх:КъэлэпчъэIутхэр — Черницовар, Гобадзе. Коваленкэр — 5, Славинскаяр — 3, Пивень — 3, Бабинар — 3, Белолипецкаяр — 3, Федоровар — 3, Тулинар — 2, Утаровар — 2/2, Краснокутскаяр — 1, Луганцевар — 1.«Звездам» хэтыгъэх:КъэлэпчъэIутхэр — Грацкевич, Тихановар. Вертушковар — 7, Сотниковар — 5, Акулинар — 4, Герасимовар — 4, Закордонскаяр — 4, Линник — 2, Поповар — 2, Корнейчук — 1, Егоровар — 1, Дьяченкэр — 1.ЗэIукIэгъум ипэублэ тигандболисткэхэр нахь бэнагъэх. Мы уахътэм Анастасия Федоровамрэ Виктория Коваленкэмрэ къэлапчъэм Iэгоо зырыз дадзагъ, пчъагъэр 2:0 хъугъэ. Ау ащ ыуж хьакIэхэр къэзэрэшIэжьыгъэх, пчъагъэр зэфэдиз ашIын алъэ­кIыгъ. Я 28-рэ такъикъым нэс тикомандэ иешIакIэ уигъэрэзэнэу щытыгъ. Ау апэрэ едзыгъом икIэухым «Звездар» Iэгоуи 4-кIэ тапэ ишъыгъ. ЯтIонэрэ таймыми хьакIэхэр нахь щылъэшыгъэх, 26:31-у текIоныгъэр къыдахыгъ.

ЗэIукIэгъум иешIэкIо анахь дэгъоу къыхагъэщыгъэхэр командэхэм якъэлэпчъэIутхэу Тамара Гобадзерэ Юлия Грацкевичрэ.Я 7-рэ турымизэфэхьысыжьхэр:«ЦСКА» — «Башкирия» — 35:19,«Университет» — «Астраханочка» — 25:35,«Динамо-Синара» — «Лада» — 31:28,«АГУ-Адыиф» — «Звезда» — 26:31,«Ростов-Дон» — «Черноморочка» — 30:26,«Кубань» — «Луч» — 38:34.Турнир таблицэм командитIумэ пэрытныгъэр щаIыгъ — «Рос­тов-Доным» ыкIи «ЦСКА-м». «Ди­намо-Синарэр» я 3-рэ чIыпIэм къэкIуагъ.

Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 14.
2. «ЦСКА» — 14.
3. «Динамо-Синара» — 10.
4. «Лада» — 10.
5. «Кубань» — 8.
6. «Черноморочка» — 8.
7. «Астраханочка» — 8.
8. «Звезда» — 6.
9. «Луч» — 4.
10. «АГУ-Адыиф» — 2.
11. «Башкирия» — 0.
12. «Университет» — 0.