Кадастрэ уасэмкIэ отчетым ипроект щыкIагъэу фалъэгъухэрэр заIэкIагъэхьан фаем фэгъэхьыгъэ мэкъэгъэIу

Федеральнэ законэу N 237-р зытетэу «Къэралыгъо кадастрэ уасэм ехьылIагъ» зыфиIоу 2016-рэ илъэсым бэдзэогъум и 3-м къыдэкIыгъэм, Адыгэ Республикэм мылъкум епхыгъэ зэфыщытыкIэхэмкIэ и Комитет иунашъоу N 45-р зытетэу «Адыгэ Республикэм ичIыгу Iахьхэм якъэралыгъо кадастрэ уасэ 2026-рэ илъэсым зэрагъэнэфэщтым ехьылIагъ» зыфиIоу 2025-рэ илъэсым гъэтхапэм и 13-м зыкIэтхэжьыгъэхэм атегъэпсыхьагъэу Адыгэ Республикэм ичIыгу Iахьхэм якъэралыгъо кадастрэ уасэ игъэнэфэнкIэ 2026-рэ илъэсым телъытэгъэ Iофтхьа­бзэхэр Адыгеим щызэрахьэх. Кадастрэ уасэм игъэнэфэн фэхъурэ кIэуххэм атетэу Адыгэ Республикэм икъэралыгъо бюджет учреждениеу «Къэралыгъо кадастрэ уасэмкIэ Адыгэ республикэ гупчэм» отчетым ипроект электрон документ шъуашэ иIэу зэхегъэуцо.Отчетым ипроект ит къэбархэр 2026-рэ илъэсым чъэпыогъум и 5-м къэралыгъо кадастрэ уасэмкIэ фондым ра­гъэхьагъэх. Кадастрэ уасэм игъэнэфэнкIэ е отчетым ипроекткIэ щыкIагъэ горэхэм гу алъышъутагъэмэ, отчетым ипроект ит къэбархэр къэралыгъо кадастрэ уасэмкIэ фондым зырагъэхьэрэ нэуж мэфэ 30-м къыкIоцI зафэжъугъэзэн шъулъэкIыщт.Мыщ къыкIэлъыкIорэ сайтхэмкIэ отчетым ипроект нэIуасэ зыфэшъушIын шъулъэкIыщт:— Росреестрэм иофициальнэ сайткIэ: https://rosreestr.ru (разделэу «Услуги и сервисы» зыфиIорэм);— Адыгэ Республикэм икъэралыгъо бюджет учреждениеу «Къэралыгъо кадастрэ уасэмкIэ Адыгэ республикэ гупчэм» иофициальнэ сайтэу https://gko-adyg.ru (разделэу «Проект отчета» зыфиIорэм).Отчетым ипроекткIэ дао горэхэр зиIэхэм «Къэралыгъо кадастрэ уасэмкIэ Адыгэ республикэ гупчэм» рахьылIэнхэ алъэкIыщт яеплъыкIэхэр.Ежь ашъхьэкIэ ахьыхэми хъущт, Ин­тернеткIэ е почтэкIэ аIэкIагъэхьанхи алъэкIыщт.Отчетым ипроект фалъэгъурэ щыкIагъэхэр арахьылIэнхэм пае мы къыкIэлъыкIохэрэр ищыкIагъэх:1) зыгъэхьырэм ылъэкъуацI, ыцI, ятацI, юридическэ лицэр зыфэдэр, телефон номерыр, электрон почтэм иадрес;2) амыгъэкощырэ мылъкоу зика­дастрэ уасэ агъэнафэрэм икадастрэ номер;3) отчетым ипроект инэкIубгъохэу (иразделхэу) щыкIагъэ зыфалъэгъухэрэм яномер.Отчетым ипроект щыкIагъэу фалъэгъухэрэм арагъэгъусэн алъэкIыщт кадастрэ уасэр агъэнафэ зэхъум хэукъоныгъэу ашIыгъэхэр къызыщыгъэшъып­къэжьыгъэ документхэр, джащ фэдэу амыгъэкощырэ мылъкум ехьылIэгъэ къэбархэр зэрыт нэмыкI документхэу кадастрэ уасэр агъэнафэ зэхъум къыдамылъытагъэхэр.Федеральнэ законэу N 237-р зытетэу «Къэралыгъо кадастрэ уасэм ехьылIагъ» зыфиIоу 2016-рэ илъэсым бэдзэогъум и 3-м къыдэкIыгъэм ия 14-рэ статья къыдилъытэрэ шапхъэхэм адимыштэрэ даохэм ахэплъэщтхэп.Отчетым ипроект щыкIагъэу фалъэгъухэрэр нэмыкI шIыкIэкIэ аIэкIэгъэхьэгъэнхэр хэбзэгъэуцугъэм къыщыдэлъытагъэп.Адыгэ Республикэм икъэралыгъо бюджет учреждениеу «Къэралыгъо кадастрэ уасэмкIэ Адыгэ республикэ гупчэр» зыдэщыIэр:юридическэ адресыр: 385020, Адыгэ Республик, къ. Мыекъуапэ, ур. Пролетарскэр, 269 (я 6-рэ къат);тел. 8(8772) 57-97-27;e-mail:adyg.gko@adygheya.gov.ru;ИнтернетымкIэ официальнэ сайтыр: https://gko-adyg.ru.Гупчэм Iоф зэришIэрэр:блыпэм — мэфэкум: сыхь. 9.00 — 18.00;бэрэскэшхом: сыхь. 9.00 — 17.00;зэпыугъор: сыхь. 13.00 — 13.48;шэмбэтымрэ тхьаумафэмрэ зыгъэпсэфыгъо мафэх.