ЕшIэкIэ дахэ къыгъэлъэгъуагъ

ФутболымкIэ Урысыем ипервенствэ иятIонэрэ лигэ щешIэрэ Мыекъопэ «Зэкъошныгъэм» я 26-рэ турым къыдыхэлъытэгъэ зэIукIэгъоу иIагъэм ешIэкIэ дахэ къыщигъэлъэгъуагъ.

Адыгеим икъэлэ шъхьаIэ ихьэ­кIагъ къалэу Избербаш икомандэу «Нефтяникыр». «Зэкъошныгъ» — «Нефтяник» — 4:0 (1:0)Iэгуаор къэлапчъэм дэзыдза­гъэхэр:А. Iащэр (я 9-рэ ыкIи я 51-рэ (пенальтикIэ) такъикъхэр), Т. Хьэхыр (я 76-рэ такъикъыр), А. Къонэр (я 85-рэ такъикъыр, пенальтикIэ).«Зэкъошныгъэм» щешIагъэх:Хачировыр (къэлэпчъэIут), Чер­джиевыр, Къэбжыр, Солоп, Юшко (Едыджыр), ХъуакIор(Зе­зэрахьэр), Коблыр, Хьэхыр ­(Къонэр), Малыш (Делэкъор), Iащэр (Хьапыщтыр).Тренер шъхьаIэр: Александр Кайвановыр.«Нефтяникым» хэтыгъэх:Ибрагимовыр (къэлэпчъэIут), Исаевыр (Салиховыр), Акаевыр, Гаджимуратовыр, Гамзатовыр (Мирзабековыр), Абдуллаевыр (Ханмагомедовыр), Магомедовыр, Умаровыр, Абдулмеджидовыр, Абдуллаевыр (Нурадиновыр), Курбановыр.Тренер шъхьаIэр: Ренат Мифтаховыр.ЗэIукIэгъум иапэрэ такъикъхэм къащегъэжьагъэу «Зэкъошныгъэр» лъэшэу ешIагъ ыкIи я 9-рэ та­къикъым Iащэ Анзор пчъагъэр къызэIуихыгъ. ЯтIонэрэ таймым ия 51-рэ такъикъ Максим Ма-лыш пенальти къылэжьыгъ, ар Iащэм дэгъоу ыгъэцэкIагъ ыкIи 2:0 хъу­гъэ. Ящэнэрэ Iэгуаор къэ­лапчъэм дидзагъ Хьэх Тамирлан. ЯтIонэрэ едзыгъом ешIапIэм къихьэгъэ Къонэ Амир пчъагъэр 4:0 ышIыгъ ыкIи тикомандэ текIоныгъэ къыдихыгъ.— БлэкIыгъэ ешIэгъум ыуж командэм зэфэхьысыжь тэрэзхэр амышIынхэм сытещыныхьагъ. Мыщ дэжьым мэхьанэшхо иI сэри, клубым ипащэхэми къаIуагъэр футболистхэм зэрэзэхашIыкIы­гъэм. Махачкала щытиIэгъэ зэ­IукIэгъум ыуж текIоныгъэ къы­дэтхынэу тыфэягъ. Ар къыддэхъугъ, къэлапчъэм Iэгоо нахьыби дэтыдзэн амал тиIагъ. КъытфэгумэкIырэ пстэуми сафэгушIо, — къыIуагъ «Зэкъошныгъэм» итренер шъхьаIэу Александр Кайвановым.Я 26-рэ турым изэфэхьысыжьхэр:«Ангушт» — «Победа» — 1:0, «Рубин-Ялта» — «Чайка-М» — 4:0, «Кызылташ» — «Шахтер» — 2:1, «Севастополь» — «Заря» — 2:0, «Спартак-Налщык» — «Астрахань» — 2:1, «Нарт» — «Динамо-2» — 2:0, «Зэкъош­ныгъ» — «Нефтяник» — 4:0.Турнир таблицэм «Севастополь» пэрытныгъэр щиIыгъ. ХагъэунэфыкIырэ чIыпIэхэм командиплI афэбэнэщт. «Зэкъошныгъэр» апэритфым ясатырэ хэфэн ылъэкIыщт. КъыкIэлъыкIощт ту-рым ар «Ростов-2-м» дешIэщт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Севастополь» — 59
2. «Шахтер» — 50
3. «Ростов-2» — 47
4. «Победа» — 42
5. «Рубин Ялта» — 40
6. «Нарт» — 37
7. «Кызылташ» — 37
8. «Зэкъошныгъ» — 36
9. «Спартак-Налщык» — 34
10. «Заря» — 30
11. «Астрахань» — 24
12. «Нефтяник» — 23
13. «Ангушт» — 19
14. «Чайка-М» — 17
15. «Динамо-2» — 17.