Адыгэ электрическэ сетьхэм яIофышIэхэм 2026-рэ илъэсыр къызихьагъэм щегъэжьагъэу Краснодар краимкIэ Апшеронскэ, Шытхьэлэ районхэм, Адыгэ РеспубликэмкIэ Джэджэ, Мыекъопэ, Кощхьэблэ, Красногвардейскэ, Шэуджэн районхэм, Мыекъуапэ къыпэIулъ псэупIэхэм яабонент мин 1,5-м ехъур электрорыкIуапIэхэм апашIагъэх.
Электрокомпанием зыкъыфэзыгъэзэгъакIэхэм МВт 43-м ехъурэ электроэнергие афатIупщыгъ.Предприятием испециалистхэм социальнэ лъэныкъом, мэкъу-мэщым, зекIоным, рекреацием, псэупIэкоммунальнэ хъызмэтым япсэуалъэхэр электрорыкIуапIэхэм апашIагъэх.
2026-рэ илъэсыр къызихьагъэм щегъэжьагъэу электрорыкIуапIэхэм апашIэнхэмкIэ ыкIи МВт 78-м ехъоу электроэнергиер къафэтIупщыгъэнымкIэ лъэIу тхылъ мини 2 фэдиз Адыгэ электрическэ сетьхэм къаIэкIэхьагъ.
Шъугу къэтэгъэкIыжьы Портал-ТП РФ зыфиIорэмкIэ пэIудзыгъэ шIыкIэм тетэу электрорыкIуапIэхэм апашIэнхэм пае лъэIу тхылъыр аIэкIэжъугъэхьан зэрэшъулъэкIыщтыр. Линие плъырым ителе-фон номерхэу 8-800-220-0-220-р е 220-р джащ фэдэу къызфэжъугъэфедэн шъулъэкIыщт.