ЛIышъхьэр фэгушIуагъ

«Урысые Федерацием и Президентэу Путин Владимир Владимир ыкъом къызыхъугъэ мафэр ты­гъуасэ хигъэунэфыкIыгъ. Джырэ Урысыем итарихъ ­Владимир Путиным ыцIэ пытэу епхыгъ. Анахь къэгъэзэпIэ хьы­лъэм хэгъэгумкIэ пшъэдэкIыжьыр ежь ыплIэIу ащ рилъхьажьыгъ, къэралыгъом изэхэзын къызэ­тыриIэжагъ, ащ изыкIыныгъэрэ исуверенитетрэ зыпкъ ригъэуцо­­жьыгъэх. Президентым зэри­хьэгъэ Iофтхьабзэхэм яшIуа­гъэкIэ Темыр КавказымкIэ дунэе терроризмэм иIофыгъо зэшIохыгъэ хъугъэ. Ащ ихьатыркIэ Урысыем и Къыблэ щыпсэухэрэм ямыза­къоу, зэрэхэгъэгоу ма­мырныгъэрэ щынэгъончъагъэрэ арылъ хъугъэ.

Владимир Путиным политикэу пхырищырэм ишIуагъэкIэ къэралыгъом лъэпсэ пытэ иIэ хъугъэ: пэщэныгъэ зехьэгъэнымкIэ институтхэр джыри нахь пытагъэх, ицыхьэ зытелъыжьэу ыпэкIэ хэ­гъэгур лъыкIотэнымкIэ, зыпкъиты­ныгъэ ащ илъынымкIэ мэхьа­нэшхо зиIэ зэхъокIыныгъэхэри къызэкIэлъыкIуагъэх.

Владимир Путиным пэщэныгъэ дызэрихьэзэ, зэрэдунаеу илъэпкъ федэхэр къыщиухъу­мэнхэмкIэ, сыд фэдэрэ къины­гъохэри зэпычыгъэнхэмкIэ, лъы­тэныгъэу дунаим къыщыфашIырэр гъэпытэгъэнымкIэ амалы­шхохэр зыIэкIэлъ къэралыгъоу хэгъэгур хъугъэ.

Президентым инэу тыфэраз Адыгеим ихэхъоныгъэ ренэу ынаIэ къызэрэтыригъэтырэмпае, ащ ишIуагъэкIэ проекты­шхохэр гъэхъагъэ хэлъэу зэ­шIуихын, со­циальнэ-экономикэ хэхъоныгъэ ышIынымкIэ цыхьэшIэгъу амалхэр къызIэкIигъэхьан, ти Хэгъэгушхо — Урысые Федерациер джыри нахь зэте­гъэпсыхьагъэ хъуным иIахьышIу хишIыхьан елъэкIы.

Лъытэныгъэ зыфэсшIырэ Владимир Владимир ыкъом рес­пуб­ликэм щыпсэухэрэм ацIэкIэ сы­фэлъаIо псауныгъэ пытэ, щы­IэкIэшIу иIэнэу, Урысыем ифедэ зыхэлъ Iофэу ыгъэцакIэрэм гъэ­хъэгъакIэхэр щишIынхэу!», — къыщытхыгъ КъумпIыл Мурат ихъытыу нэкIубгъо.