Лъэс зекIонымкIэ Iофтхьабзэу «140000 — здоровье Адыгеи» зыфиIорэр Мыекъуапэ щэкIо. Мыр Адыгэ Республикэм ыкIи шъолъырым икъэлэ шъхьаIэ ямафэхэм афэгъэхьыгъ.
Тикъэлэ шъхьаIэ имызакъоу, Джэджэ, Мыекъопэ ыкIи Шытхьэлэ районхэм ялIыкIохэм заушэты, япсауныгъэ агъэпытэ. ЗэкIэмкIи марафоным нэбгырэ 95-рэ хэлажьэ. ЗэхэщакIохэм пшъэрылъэу къагъэуцугъэм диштэу нэбгырэ пэпчъ лъэбэкъу мини 140-рэ къыкIун фае, гурытымкIэ мафэ къэс лъэбэкъу мин 20 е километрэ 15. Ащ сыхьатищрэ ныкъорэ фэдиз текIуадэ.
Iофтхьабзэм хэлажьэрэм лъэбэкъоу ышIыгъэр зыфэдизыр приложениеу «Шаги Вконтакте» зыфиIорэмкIэ къалъытэ. Мы пшъэрылъыр апэу зыгъэцэкIагъэри къэнэфагъ, ар Мыекъуапэ щыщ Елена Зезюкинар ары. Бзылъфыгъэм сыхьат 36-кIэ лъэбэкъу мини 140-рэ къыкIугъ. Игъэхъагъэ Адыгэ Республикэм ия 36-рэ илъэс фигъэхьыгъ.
Марафоныр чъэпыогъум и 11-м нэс кIощт. Ащ икIэщакIоу Мыекъуапэ физическэ культурэмкIэыкIи спортымкIэ и Комитет Iофтхьабзэм хэлажьэхэрэм дипломхэр ыкIи шIухьафтынхэр афигъэхьазырыгъэх.
