Аужырэ уцугъом хэлэжьагъ

Адыгеим икIэлэегъэджэ-психологэу Анна Цыганковар Москва щыкIогъэ Урысые зэнэкъокъум хэлэжьагъ.

Iоныгъом и 28-м мэфэкI шIыкIэм тетэу я XX-рэ Урысые зэнэкъокъоу «Педагог- психолог-2026» зыфиIорэр къызэIуахыгъ. Мыгъэ ар я 20-у зэхащагъ, Урысыем иIофышIэ анахь дэгъухэр ащ щызэIукIагъэх.

Адыгеир къэзыгъэлъэгъуагъэр шъо­лъыр уцугъом текIоныгъэ къыщыдэзыхыгъэ Анна Цыганковар ары. Тэхъутэмыкъое районымкIэ кIэлэцIыкIу IыгъыпIэу N 13-м икIэлэегъэджэ-психологэу ащ Iоф ешIэ.

Зэнэкъокъум хэлажьэхэрэм программэ гъэшIэгъон зэхэщакIохэм къафагъэ­хьазырыгъ. Iоныгъом и 28-м зэнэкъо­къум иапэрэ очнэ уцугъо зыкъыщагъэлъэ­гъуагъ. Ясэнэхьат фэгъэхьыгъэ техноло­гическэ картэмкIэ апэрэ уцугъор те­кIыгъ. ЯтIонэрэ мафэм «Экспертное собеседование» зыфиIорэ лъэныкъомкIэ зэ­нэкъокъум хэлажьэхэрэм заушэтыгъ, шIэныгъэу яIэмкIэ ыкIи IофшIэкIэ IэпэIэ­сэныгъэу аIэкIэлъымкIэ заушэтыгъ. Iоны­гъом и 30-м апэрэ зэфэхьысыжьхэр ашIыгъэх, нэбгырэ 15-у пхырыкIыгъэхэм «Профессиональные кейсы» зыфиIорэмкIэ заушэтыгъ.Зэнэкъокъум изэхэщакIор Урысые Федерацием просвещениемкIэ и Министерств. Москва къэралыгъо психолого-педагогическэ университетыр иоператор.

АР-м гъэсэныгъэмрэ шIэныгъэмрэкIэ и Министерств.