Урысые Iофтхьабзэу «ЛIэныгъэр зыщащэрэр ошIэмэ, макъэ къэгъэIу» зыфиIорэм къыщыдэлъытагъэу АР-м хэгъэгу кIоцI IофхэмкIэ и Министерствэ иучастковэхэм ыкIи зыныбжь имыкъугъэхэм яIофхэмкIэ иотдел иIофышIэ Мыекъопэ къэралыгъо технологическэ университетым иполитехническэ колледж иеджакIохэм аIукIэгъагъ.
Хэбзэнчъэу наркотикхэр IузыгъэкIыхэрэм ахьыщт пшъэдэкIыжьэу УФ-м ихэбзэгъэуцугъэ къыщыдэлъытагъэм, ныбжьэу административнэ ыкIи уголовнэ пшъэдэкIыжьхэр къызщежьэхэрэм, статьяхэу уголовнэ Iоф къызэрэзэIуахыхэрэм, наркотик зэ зыгъэфедагъэр псынкIэу ащ пыщагъэ зэрэхъурэм, нэмыкIхэм ар къатегущыIагъ. Интернет нэкIубгъохэм зыщыщ амышIэрэ цIыф нэIуасэ къащыфэхъугъэмэ, сакъыныгъэ къызхагъэфэным, кIалэхэр, пшъашъэхэр ахъщэ псынкIэ къэгъэхъэным хэщэгъэнхэм пае шIыкIэ зэфэшъхьафхэр ахэм зэрагъэфедэхэрэм анаIэ тыраригъэдзагъ.ЗэIукIэгъум икIэухым къулыкъум илIыкIо студентхэм яупчIэхэм джэуапхэр къаритыжьыгъ.
АР-м хэгъэгу кIоцI IофхэмкIэ и Министерствэ ипресс-къулыкъу