ХьакIэхэр нахь лъэшыгъэх

ГандболымкIэ Урысыем ичемпионат и Суперлигэ хэт бзылъфыгъэ командэхэм яплIэнэрэ турым къыдыхэлъытэгъэ ешIэгъухэр яIагъэх. Мыекъопэ «АГУ-Адыифыр» Ижевскэ къэзыгъэлъэгъорэ «Университетым» IукIагъ ыкIи текIоныгъэ къыдихыгъ.

«Университет» — «АГУ-Адыиф» — 23:34 (11:16).«Университетым» хэтыгъэх:КъэлэпчъэIутхэр — Склипис, Ермаковар. Вахрушевар — 10, Шакирьяновар — 4, Басанговар — 3, Шкляевар — 2, Минабутдиновар — 1, Артемьевар — 1, Низовцевар — 1, Жуковар — 1.«АГУ-Адыифым» щешIагъэх:КъэлэпчъэIутхэр — Черницовар, Гобадзе, Черновар. Утаровар — 7, Кирилловар — 4, Никулинар — 4, Пивень — 3, Коваленкэр — 3, Тулинар — 3, Бабинар — 3, Краснокутскаяр — 2, Федоровар — 2, Белолипецкаяр — 1, Луганцевар — 1.ЗэIукIэгъум ипэублэ тигандболисткэхэм псынкIэ къащыхъугъэп. Апэрэ такъикъ 15-м бысымхэр нахь лъэшэу джэгугъэх, пчъагъэм­кIэ тапэ итыгъэх. Ау «АГУ-Адыифым» итренер гущыIэ тэрэзхэр пшъашъэхэм къафигъотыгъ, ахэм яешIакIэ рагъэхъугъ. ХьакIэхэм пчъагъэм хагъахъозэ зэIукIэгъум икIэух нэс ешIагъэх ыкIи къатефэу текIоныгъэр къыдахыгъ. Тикомандэ хэтхэм анахьэу къахэщыгъэр Джамиля Утаровар ары, ащ блэгъогогъо къэлапчъэм Iэгуаор дидзагъ. ТикъэлэпчъэIутэу Ольга Черницовар цыхьэшIэгъоу ешIагъ, зы Iэгуао къэлапчъэм дидзэн ылъэкIыгъ.— Пэублэм дэгъоу тешIагъэп. Ижевскэ икомандэ мыщ фэдэу зэрэджэгущтыр къыдгурыIозэ зэIукIэгъум зыфэдгъэхьазырыгъ. Командэр зэрешIагъэм сигъэрэзэпагъэп, джыри Iоф зыдэтшIэнэу къытпыщылъыр макIэп, — къы­Iуагъ зэфэхьысыжьхэр къышIызэ «АГУ-Адыифым» итренер шъхьаIэу Никита Голуб.ЯплIэнэрэ турым изэфэхьысыжьхэр:«Луч» — «ЦСКА» — 24:30, «Звезда» — «Лада» — 28:29, «Черноморочка» — «Башкирия» — 28:22, «Астраханочка» — «Ростов-Дон» — 28:36, «Университет» — «АГУ-Адыиф» — 23:34, «Кубань» — «Динамо-Синара» — 22:31.Турнир таблицэм командитIумэ пэрытныгъэр щаIыгъ — «Рос­тов-Доным» ыкIи «ЦСКА-м». «АГУ-Адыифыр» я 9-рэ чIыпIэм щыт.Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 8.
2. «ЦСКА» — 8.
3. «Лада» — 6.
4. «Черноморочка» — 6.
5. «Астраханочка» — 4.
6. «Динамо-Синара» — 4.
7. «Звезда» — 4.
8. «Кубань» — 4.
9. «АГУ-Адыиф» — 2.
10. «Луч» — 2.
11. «Башкирия» — 0.
12. «Университет» — 0.